335. De sancto Huberto.
Ad Vesperas.

1. Laudis hymnus decantetur

Christo regi gloriae,
Ei nostrae praesentetur

Organum melodiae,
Quem Hubertus intuetur

Revelata facie.
2. Saecli pompam abdicavit

Lamberti consilio,
Se divino mancipavit

Hubertus obsequio
Ac in Christi vigilavit

Sedulus officio.
3. Post Lamberti martyrium,

Praeclari pontificis
Insignitur per Sergium

Infulis magnificis
Fitque pastor Tongrensium

Jussibus angelicis.

4. Plebi suae praedicavit

Spem supernae gloriae.
Quam Dominus praeparavit

Haeredibus gratiae,
Sic subditos informavit

Verbo sapicntiae.
5. Hunc patronum extollamus

Per laudum praeconia,
Ei grata studeamus

Offerre servitia,
Ut adesse sentiamus

Sua nobis praemia.
6. Deo patri sit potestas,

Filio prudentia,
Coaequalis sit majestas

Paraclito gratia,
Qui confortet mentes maestas

Perenni laetitia.