334 EX S. POENITENTIARIA APOSTOLICA

XXV. Noverint Poenitentiarii minores, aliique Confessarii peculiaribus, Iubilaei causa, facultatibus instructi, non obstante amplitudine verborum super omnibus peccatis et excessibus quantumlibet gravibus et enormibus, interdictum sibi esse quid- quid in Constitutione « Pastor bonus » Cardinali Poenitentiario Maiori interdictum est, prout essent ex. gr. qui vivente Romano Pontifice circa Successoris electionem tractatus inierint, suffra- gia comparaverint, aut pactiones fecerint, et qui Astrologia iu- diciaria vel per se vel per alios de statu reipublicae christia- nae, sive de vita aut morte Romani Pontificis pro tempore exi- stentis inquisìerint. Quod si aliquis ex praedictis casibus iisdem occurrat, adeant Cardinalem Maiorem Poenitentiarium, cui op- portuna et necessaria remedia a Sanctitate Sua praescribentur. (Ex Bulla cit. § 39).

XXVI. Facultas commutandi vota dispensando distinguitur a sola ac simplici commutatione, quae subrogationem exigeret materiae fere aequalis : sed commutatio mixta cum dispensa- tione est capax verae inaequalitatis inter materiam voti et rem subrogatam.

XXVII. Cum visitatio Basilicarum non sit opus, ad quod praecepto ullo quis obligetur, sed novum onus ad consequen- dam Indulgentiam impositum, commutatio eiusdem fieri nequit in alia opera, ad quae poenitens ex alio titulo sit adstrictus (ibid. § 53).

Quae quidem Monita in memoratis Benedicti XIV Consti- tutionibus luculenter proposita, mandavit Sanctissimus Domi- nus Noster in lucem iterum tradi, ut ex ipsorum praescripto tutissima in animarum procuratione regula praesto sit; atque ut praesenti eorumdem collectioni fides habeatur, ab aliquo ex Sacrae Poenitentiariae Officiali, addito eiusdem Tribunalis sigil- lo, subsignari iussit.

Datum Romae ex sacra Poenitentiaria anno Incarnationis Dominicae millesimo octingentesimo nonagésimo nono, Kalen- dis Novembris1, Pontificatus SSmi Domini Nostri Leonis Pa- pae XIII anno vicesimo secundo.