340 COMMENTARIUM

(o) Acta S. Sedis IV, 45.

Ut Clementis VIII sanctionem referamus, hic in Decreto» Sanctissimus diei 6 Septembris 1601 edixit:

« Quoniam multi hoc tempore, privati etiam homines, prae- « textu alendae devotionis, novas quotidie litanias evulgant , « ut iam prope innumerabiles formae litaniarum circumferan- « tur, et in nonnullis ineptae sententiae, in aliis (quod gravius « est) periculosae et errorem sapientes inveniantur, pro sollici- « tudine sua pastorali providere volens, ut animarum devotio, « Deique ac Sanctorum invocatio, sine ullius detrimenti spiri- « ritualis periculo foveatur :

« § 1. Praecipit et mandat, ut retentis antiquissimis et com- « munibus Litaniis, quae in Breviariis, Missalibus, Pontificali- « bus ac Ritualibus continentur, nec non Litaniis de Beata Vir- « gine, quae in Sacra Aede Lauretana decantari solent; qui- « cumque alias Litanias edere, vel iam editis in Ecclesiis, sive « Oratoriis, sive processionibus uti voluerint, eas ad Congrega- « tionem Sacrorum Rituum recognoscendas, et si opus fuerit, « corrigendas mittere teneantur, neque sine licentia et approba- « tione praedictae Congregationis, eas in publicum edere, aut « publice recitare praesumant , sub poenis (ultra peccatum) ar- « bitrio Ordinarii et Inquisitoris severe infligendis ».

Alexander vero VII Const. In supremo militantis lata die 28 Maii 1664 prohibuit quidquam Litaniis Lauretanis addere: Nec Litaniis B. Virginis aliquid innovare. Quod decretum S. Rituum Congregatio renovavit die 20 Decembris 1864 (a). Ita ut Legislator noster hac in re Praedecessorum suorum decretis fideliter institerit.

Litaniae SS. Nominis Iesu, Iquae iam insertae in Novis Ri- tualibus reperiuntur, probatae fuere a S. Congregatione Rituum die 16 Ianuarii anni 1886 sequenti Decreto:

DECRETUM URBIS ET ORBIS

« Sanctissimum Iesu Nomen semper et ubique terrarum « praecipua veneratione et singulari prorsus honore Christifide- « les prosequuti sunt: non enim aliud nomen est sub coelo datum « hominibus, in quo oporteat nos salvos fieri (Actor. IV. 12). Ad « hanc venerationis et honoris significationem, plurima religio- « nis obsequia plurimasque laudes pietas christiana excogitavit, « quibus nomen augustissimum digne et sancte celebraretur.