342 EX S. C. RITUUM

indolem. Annum decimum sextum aetatis agens Neapoli huma- nioribus et severioribus disciplinis sedulam dedit operam laude et praemio pluries cohonestatam. Eximii sacerdotis Falcoia e Piis Operariis, postea Episcopi Stabiensis, usus est consilio, cu- ius etiam regimini in spiritualibus se totum subiecit. Emenso utriusque iuris curriculo, inter Doctores et Advocatos Neapoli- tanae Curiae relatus est; atque in agendis causis egenorum rationes libentius suscipiebat tuendas opera et impensis suis. Erudiendis educandisque puellis prospicere cupiens, a sua ge- nitrice adiutus Institutum Piarum Magistrarum Roma Neapo- lim deduxit. Adhuc laicus quasi angelus consolator publica valetudinaria frequenter adibat, et suae pietati indulgens plu- res horas in templo coram Ssmo Eucharistiae Sacramento vel ante Deiparae Virginis imaginem devote insumebat. Meliora aemulatus charismata, persequi statuit vestigia Beati Alphonsi de Ligorio qui forensi curia relicta et clericali militiae adscri- ptus iam prima Congregationis Ssmi Redemptoris iecerat fun- damenta. Eidem libentissime se dedit comitem anno aetatis suae trigesimosecundo, atque in eius fide iugiter mansit, peculiarem finem pro viribus tuendo novae Congregationi a legifero patre praestitutum, sacrarum missionum. Sacerdotio insignitus a prae- laudato Falcoia, qui ad Episcopalem sedem Stabiensem iam fuerat evectus, iisdem sacris missionibus constanter adlabora- vit. Hisce aliisque inspectis, ipsomèt S. Alphonso imperante, plurium domorum rector et universae Congregationis a consi- liis fuit. Tandem infirmitatibus et laboribus fractus, imminentem obitum praesentiens, extrema Ecclesiae sacramenta recepit, at- que elatis in caelum oculis piissimam animam Deo reddidit die 19 Aprilis anno 1750 in Festo Patrocinii S. Ioseph Sponsi B. M. V. Eius sanctitatis fama in vita et post mortem celebrata atque in dies magis clara et perdurans pluribus confirmata est attestationibus tum iudicialibus per Ordinarium Processum Nu- cerinum Paganorum super ea constructum, tum extraiudicia- libus per litteras postulatorias complurium Rmorum Archiepi- scoporum et Episcoporum, cleri et populi Nucerini, atque ipsius Rmi P. Matthiae Raus, Rectoris Maioris Instituti Ssmi Redem- ptoris, de Causa beatificationis et canonizationis huius Servi Dei rite introducenda. Quibus omnibus a Rmo P. Claudio Be- nedetti eiusdem Instituti Postulatore Generali ad Sacram Rituum Congregationem delatis, Emus et Rmus Dnus Cardinalis Hiero-