EXPOSITIO TEXTUS.

B. Et numquid ergo haec ratio, etc.

Littera sic legatur : Ita Ille dixit. Et nunc ergo quid dicendum est? Numquid, id est, nonne haec ratio solutionis verax est ? Ait enim ille qui dixit hoc, Id est,

hanc solutionem ut confirmans eam, hoc scilicet ait : Quomodo divina virtus increata veniens in omnia, implet ea suis perfectionibus, et pervenit per omnia immensurabiliter, id est, non commensurata alicui rei, ita ut non sit in alio, et iterum in omnibus manens est invisibilis: quia non commiscetur rebus, sed manet in sua natura : et non solum sic pervenit in omnia quasi remota ab omnibus superessentialiter, id est, essentia ejus super omnia existente, ita quod nihil rei conferat, sed et, id est, etiam pervenit quasi occulte, quia intus operando, permittens, Id est, intromittens, in omnia suas providos operationes, id est, sua operata provisa unicuique, et haec sunt virtutes creatae. Et licet ita impleat omnia, sed tamen et, id est, etiam specialiter superlucet, id est, per modum lucis se participat in actu manifestae cognitionis omnibus intellectualibus, et hoc proportionaliter eis, et ipsa ingerens propriam, hoc est, proportionalem, illuminationem pretiosissimis essentiis, scilicet primis Angelis,distribuit Illuminationes per eas, scilicet essentias pretiosissimas, quasi per primas in submunitas se, id est, in illas quae sub eis munitae sunt firmiter stantes In suis ordinibus. Distribuit dico bene ornate, Id est, secundum ordinem ad finem et decorem in ipsis : et hoc fit secundum contemplativam commensurationem, id est, secundum proportionem contemplativae capacitatis uniuscujusque dispositionis, Id est, ordinis.

3