EXPOSITIO TEXTUS.

Littera sic legatur : Diximus, quod distribuit secundum commensurationem

uniuscujusque, quam commensurationem ut apertius dicam, id est, explanem, et per exempla propria, id est, convenientia, etsi, id est, quamvis exempla dico deficientia a Deo, quem nihil praeter fidem repraesentat, remoto ab omnibus, in infinitum superius existente, verumtamen exempla dico mani fes toria nobis, id est, sensibilia. Ut, inquam, sic dicam, dicemus haec : Distributiones solaris radii, id est, fulgores ejus dispersi bene, id est, abundanter distributae, id est, communicatae in materiam primam, id est, in corpora primo recipientia lumen, et retentiva ejus, implent, id est, implendo faciunt eam lucidiorem omnium, id est, omnibus, et per eam sol manifestius declarat proprios splendores. Vero, id est, sed radius ejus accedens materiis, id est, corporibus receptivis luminis crassioribus, id est, in opacitatem crassatis, qua recipiunt tantum in superficie, habet obscuriorem distributivam super appari-

tionem, distribuitur enim eis secundum superficiem per modum coloris, non lucis. Unde etiam Pythagoras vocabat colorem AdminBookmark : et etiam est color lux obscurata in corpore opaco. Et haec obscuritas causatur ex inopportunitate, id est, deficiente proportione illuminandarum materiarum ad habitum, id est, formam vel lucem, distributivum illuminationis. Et paulo post ex hoc etiam deficiendo coarctatur radius ex defectu materiae ad fere perfecte indistributum, id est, quod fere nihil participatur, sicut in colore nigro, qui causatur ex defectu lucis, modicum retinens de luce ad manifestationem obscuritatis tantum.

Iterum caliditas ignis magis seipsam distribuit in cap adora et bene convenientia, id est, proportionata ad similitudinem suam, id est, ignis consequendam, et facilia ad receptionem. Vero, id est, sed ipsa caliditas nullum vestigium, id est, operationem primitivae operationis, id est, primae virtutis agentis, scilicet ignis, manifestat, aut absconsum, id est, occultum et debile, ad essentias contrarias, id est, in contrarium dispositas, reformationibus, id est, actionibus ignis, quibus aliud sibi conformat. Dicit ergo nullum, aut absconsum, propter ea in quae non potest de facili imprimere ignis, sicut sunt ebenus, magnes, et carbunculus, quae propter constrictionem pororum exterius non potest subintrare ignis, ut dividendo consumat, nisi valde difficulter. Et hoc exemplum eo amplius manifestat propositum : quia caliditas ignis admittitur, id est, recipitur primum in his quae non sunt cognata, id est, propinqua ad formam ignis, per opportuna sibi habentia, id est, per ea quae sunt proportionata ut facile recipiant. Admittitur dico, utpote, id est, sicut faciens ignita ea quae sunt facile mobilia ab igneis, sicut ligna sicca, et sicut caleficans, licet non perfecte igniens, aut aquam, aut quid, id est aliquid alterum de numero non facile ignesceniium, et hoc proportionaliter eis, et per hoc quod facile igniuntur.

4