PARISIEN. 357

ac propositio: Titius domicilium vel quasi-domicilium ha- bet in parochia, quam regit parochus Caius. Planum hoc est, et hoc sustinet adversus orator, cum contendit paro- chum sancti Petri de Chaillot non fuisse proprium Henri- cae ; quod idem sonat ac Henricam per eam moram non fa- ctam esse vere subditam parochiae sancti Petri . Iam vero factum istud domicilii vel quasi domicilii nupturientium in parochia ubi celebratur matrimonium prima quidem Triden- tinae legis pars requirit, quemadmodum dictum est supra; non vero altera, quippe quae regit actum, non vero actus auctorem, et nil aliud exigit quam quod actus, contractus matrimonialis, ubi lex viget, celebretur."

Dein, quaerit defensor, undenam oriri potest ista parochi proprii necessitas, quae Henricam obliget? Non ex domicilio londinensi ; siquidem inauditum esset legem vires exerere in loco, ubi non viget; atque plus esset in effectu quam in causa. Imo pugnaret cum voluntate a patribus tridentinis in calce decreti rotunde manifestata.

Ulterius, sequitur orator, lex ista quam sancta synodus expresse vetat ne suum robur habeat in paroeciis in quibus publicata non est, non haberet quidem ibi robur suum, sed aliud efficacius, cuius vigore fideles domicilium vel quasi domicilium in parochiis a decreto tridentino immunibus stri- ctius ligarentur quam incolae loci ubi viget Cap. Tametsi. Porro tridentini patres, quoniam quam maxime abhorrebant coarctare libertatem matrimoniorum, de nupturientibus so- lici ti, qui parocho proprio sisti vel non possent vel nollent, designarunt parochum vel sacerdotem de eius licentia. Iam vero facultate sistenti apud alium sacerdotem, qua pro lu- bitu fruuntur incolae loci ubi viget lex tridentina, expertes essent incolae loci ab ea lege immunis, si in loco ei legi obnoxio matrimonio iunguntur transeuntes.

Unde, quaerit matrimonii defensor, rectores parochiarum in quibus concilium tridentinum publicatum non e s t , quo iure licentiam nupturientibus coram alio sacerdote matri- monium celebrandi conferre possunt? Non certo vigore ea-