DIVISIO ET EXPOSITIO TEXTUS.

Ait ergo haec dicens, etc.

Superius ostensum est, quod inferiores reponunt suas operationes in superiores sicut in prae operantes, et hoc quod communiter dictum est, restringit ad propositum, scilicet ad visionem Isaiae, de qua est quaestio, ostendens quomodo haec et plura alia edoctus est Propheta per illam visionem.

Dividitur autem haec pars in duas. In prima solvit ad propositum, ostendens quae dicta sunt in communi, in illa visione servata esse. In secunda manifestat solutionem per exemplum manifestum nobis ex nostra hierarchia, et propinquum proposito, ibi (sig. 9 circa initium), Magis autem proxime, etc.

Prima dividitur in duas. In prima exponit substantiam visionis, ostendens quid per substantiam visionis edoctus fuerit.In secunda quid de consequentibus visionem, ibi (g 8), Docuit ergo eum,etc.

Prima dividitur in tres. In prima ostendit, quod edoctus est ea per quae solvitur dicta quaestio. In secunda parte ostendit quid edoctus fuerit ex parte Dei, quem vidit super Thronum sedentem, ibi (g 6), Vidit ergo visionibus. In tertia quid ex parte Seraphin, quos stare vidit, ibi (g 7), Deinde easdem sanctissimorum, etc.

Littera sic legatur : Ergo postquam praedicta quibus sequentia confirmantur, sunt vera, dicens haec, id est, hanc solutionem, ait hoc, scilicet visionem illam de qua est quaestio, fuisse susceptam a Theologo, scilicet Isai a, a b illa, scilicet prima dispositione sicut a primo operante per unum de numero sanctorum et beatorum Angelorum imperantium, id est, immediate praesidentium nobis sicut per ministrum exsequentem et per secundum agens virtute primi, et ait inferiorem reposuisse manuductionem, id est, operationem qua manuductus est Propheta, ipsius, scilicet Prophetae vel inferioris Angeli, ante illuminativam, id est, quam praeoperatur suo lumine prima dispositio sicut virtus prima. Reposuisse dico in illam sanctam contemplationem, id est, in primos contemplantes. Et per hoc ostendit, quod oportet purgare superiorem, et, ideo Propheta vidit, quantum dicendum est videre in symbolis, id est, in sensibilibus figuris. Vidit dico supersedere excelsissimas essentias, id est, Seraphin, col locatas post Deum secundum dignitatem naturae, et cum Deo secundum participationem attributorum ejus, et circa Deum, in quantum illuminationes eorum reflectuntur in finem a quo exeunt ut a primo principio. Deum dico summitatem, id est, celsitudinem super principalem, id est, super altitudinem principum, super collocat am in medio virtutum superfirmMarum aliis, scilicet in medio Seraphin. Dicitur enim : Vidi Dominum sedentem, etc. Et iterum : Seraphim stabant super illud . Dicit ergo super collocatam quantum ad supereminentiam naturae, in medio, ''quantum ad attributorum communicationem.