362 EX S. G. CONCILII

iuris principia praemittenda esse censeo. Est de legis na- tura ut immediate respiciat communitatem , mediate vero omnes et solos subditos intra ius dicentis territorium ma- nentes. Exinde consequitur quod quaelibet lex natura sua sit territorialis seu localis, nec afficiat personas nisi per territorium; unde effatum : « Extra territorium ius dicenti non paretur impune » 20 D. de iurisd. et cap. 2, de const. in 6°; idque etsi quis animo se obligationi legis sub- ducendi exeat e territorio ; cum hic non in fraudem legis agat, sed utatur iure suo. Huic tamen principio exceptio facta est per prohibitiones inductas a Clemente VIII in Const. Superna 21 Iulii 1620, et ab Urbano VIII in Brevi Exponi Nobis 14 Augusti 1627, ne scilicet quis e territo- rio egrediatur ad eludendas reservationis et clandestinitatis leges, ut infra videbimus. - Alia vero ex parte cum lex ferri nequeat nisi in subditos , consequitur ut qui subditi non sunt, non teneantur legibus loci, in quo versantur. At huic etiam principio communiter exceptio fit praesertim quoad contractus quorum valor dicitur pendere a legibus loci in quo fiunt; unde effatum « Locus regit actum ». In- terest quamplurimi in nostra quaestione, ut bene determi- netur sensus et vis istius exceptionis. Ut manifestum per se est, quod contractus quoad valorem pendeant a legibus loci in quo fiunt, ac proinde quod locus regat actum non est ex vi intrinseca ipsarum earumdem legum, sed unice ex causa extrinseca. Huius autem causae fundamentum est /. 19 D. de iud., qua constitutum est, ut quis nedum in loco domicilii, sed etiam in loco celebrati contractus con- veniri possit. Dispositio haec a nostro iure confirmata est in Cap. 20 Decret, et Cap. 1, § 3, in 6°, de foro com- petenti: quibus expresse decernitur, peregrinum ratione con- tractus forum sortiri dummodo citatione praeveniatur ante- quam excedat a loco in quo contraxit, Schmalz, n. 45, de for. comp. Porro cum quisque iudex lites omnes dirimere teneatur iuxta leges et ritum propriae regionis ; hinc ne- cessitas ex interpretatione prudentum servandi leges, locales