DUBIUM,

Hic est dubium. Utrum superiores operentur in inferiores, qui ante reponant operationes suas in primas quas in sibi subditos iterum exercent ?

Et videtur, quod. non.

1. Ea enim inter quae est distantia per essentiam et nulla continuatio,non transmutant se invicem. Sed primi distantes sunt per essentiam ab inferioribus : cum igitur non sit assignare aliquid in quo continuentur, non videtur quod possint agere in illos.

2. Praeterea, " Corpora inferiora quae " moventur et suscipiunt actionem supe-" riorum, habent se ad ea sicut materia " ad formam, " sicut dicit Philosophus in libro Caeli et Mundi : sed inferiores Angeli non reducuntur ad superiores, sicut materia ad formam : ergo non transmutantur ab eis recipiendo illuminationes ab ipsis.

3. Praeterea, " Inferiora corpora vin" cunt in hieme superiora, quamvis in " aestate sit e converso, " ut dicit Philosophus : ergo videtur, quod inferiores aliquando debent vincere superiores agendo in ipsos.

4. Praeterea, Quando ex actione alienus agentis provenit diversitas effectuum jin recipientibus, si illud agens est unum m se, oportet ad minus quod causet diversa secundum relationem ad aliquid differens, cum diversitas in causato habeat a materia aliquam causam diversita-

tis in sua causa, sicut sol secundum relationem ad circulum obliquum causat diversa, ut dicit Philosophus : sed non est invenire aliquod differens ad quod referatur diversitas quae provenit in inferioribus ordinibus ex actione superiorum : ergo. superiores non transmutantur inferiores illuminando. Ad oppositum.

1. Intellectus operativus propter hoc quod nihil accipit a rebus, imprimit formas sufficienter, nullo imprimente in ipsum : sed intellectus Angeli habet species rerum ad modum intellectus operativi, ut saepe dictum est : ergo sufficienter potest imprimere alteri sine conversa receptione ab ipso.

2. Praeterea, Motor prius imprimit in mobile sine communicantia ab invicem conversim, id est, sine conversione, ita scilicet quod mobile nihil imprimat moventi : ergo similiter videtur, quod in ministrantibus superiores possint imprimere in inferiores, non recipiendo aliquid ab eis.

Solutio. Dicimus, quod intellectus superiorum est ut lux quaedam per modum artis facturus specierum, et non recipiens a rebus : et cum in eis lux primo recepta sit in universaliori virtute et ut actus quidam respectu inferiorum, imprimere possunt in inferiores sine conversione. Et concedimus rationes ad hoc.

Ad primum vero dicendum, quod idem facit ordo in spiritualibus quo nuitas in corporalibus : per hoc enim quod unum est in simpliciori actu quam alterum, minus habens de potentia admixtum, id quod est deficiens ab ipso, recipere potest impressionem ejus, qualiter fit impressio in animabus nostris ex intelligentiis.

Ad secundum dicendum, quod corpora inferiora non reducuntur ad superiora sicut ad formam quae sit pars essentiae eorum, sed sicut potentia ad actum, et mobile ad motorem, cujus est per speciem movere, et similiter reducuntur inferiores Angeli ad superiores.

Ad tertium dicendum, quod in corporibus inferiora non vincunt superiora quae sunt universaliter agentia, sicut sunt corpora caelestia, quae non recipiunt peregrinam impressionem, ut dicit Philosophus : sed dicuntur vincere super particularia agentia, quae sunt superiora elementa : superiores autem Angeli se habent ad inferiores ut universales agentes.

Ad quartum dicendum, quod diversitas in effectibus solis est ex diversitate circa agentem et etiam circa recipientia. Est enim sol causa diversorum secundum diversorum situs, et in eodem stans habet alium effectum in diversis recipientibus : et similiter illuminationum diversitas quae est in inferioribus ordinibus, provenit ex diversis illuminationibus descendentibus a primis, secundum quod referuntur ad diversas rationes rerum in primo, quamvis maneat simplicitas essentiae. Provenit etiam diversitas ex diversa capacitate recipientium.

6