364 EX S. G. CONCILII

solemnitate inhabi l i ta te ad contrahendum, contraheret sine ista solemnitate, contractum validum esse firmavit Rota dec 746 n. 3 et 4, quae reputatur in materia magistralis; ac etiam in Romana societatis officii 29 Maii 1623, cor. Remboldo, et in Reatina Castrorum 21 Iunii 1666, cor. eodem. Cfr. etiam Bartolum ad I. 1 Cod. de Sum. Trin. n. 32; Brunneman Comm. in Cod. ad I. 1 de Sum. Trin. n. 6; De Luca de alien, disc. 29 n. 3 seqq.

Iam ad legem Tridentinam Cap. 1, Sess. 24 de Ref. matr. accedamus. Neminem latet, legem hanc ita accipien- dam esse et de facto sic interpretari apud omnes Canoni- stas et Theologos, ut quantum fieri possit, minus corrigat de iure veteri Sacrorum Canonum. Audiatur Bossius De matr. contr. cap. 4, § 11, n. 20: « Lex correctoria est stricte interpretanda et huiusmodi est decretum Tridentini in d. cap. 1, Sess. 24 de ref., quod est correctorium iuris antiqui : ergo non est extendendum, sed potius stricte in- terpretandum est ». Luculentiora depromit Ursaya Bis. 25 n. 26, tom. 7, par. 2: « Lex correctoria est stricte inter- pretanda et huiusmodi est decretum Tridentini , quod est correctorium iuris antiqui Ex quo iuxta notoria princi- pia infertur, quod ita interpretanda sit, ut, quominus fieri possit, minus corrigat dictum ius commune; ita ut sit sa- tis eo ipso quod evitatur polygamiae crimen, qui fuit finis S. Concilii Tridentini dictam novam legem condendo si aliquod de mere possibili remaneret dubium, in isto sem- per inclinandum esset pro matrimonii validitate ».

Exinde scatet, inter cetera, doctrina, ab omnibus rece- pta, communicationis privilegii, quod scilicet si una pars ratione loci, in quo habitat, vel ratione societatis, in qua vivit, exempta sit a lege Tridentina, eius exemptio propter individuitatem contractus etiam alteri parti communicetur; ideoque neutra teneatur forma Tridentina quoad validitatem matrimonii ; et ita matrimonium clandestinum sit validum, licet illicitum. Qua quidem in re Benedictus XIV de Syn. VI, VI, n. 12, enarrat, omnes qui in S. C. C. coram ipso