ABELLINEN. 565

morum repugnantiam, ea videtur fuisse causa, quia mulier, utpote vaginismo affecta, impar erat ad officia matrimonialia obeunda.

Praeterea, quatuor annis transactis, coniuges edocti de. impossibilitate ducendi, hoc modo, vitam coniugalem, mutuo consensu, obtenta a tribunali civili Beneventano favorabili sententia, separati sunt, quin amplius restaurata esset vita coniugalis.

Interea Evelina Italiam reliquit et ad exteras regiones profecta est. Dum in civitate Seraievo commorabatur, per aliquod tempus vaginismo, quo laborabat, a quodam me- dico illius civitatis curata fuit : et de hac re fidem facit ipse medicus.

Praeterea Evelina an. 1894 Italiam repetiit et in hac infelici conditione constituta recursum habuit ad S. Sedem, enixe expostulans, ut matrimonium suum nullum declara- retur ratione vis et metus ; vel saltem ut dispensatio con- cederetur a matrimonio rato et non consummato.

Ad munus conficiendi processum super asserta nullitate et inconsummatione subdelegata fuit Curia Neapolitana. Con- stituto tribunali, coniuges prae primis excussi fuerunt; per- contati fuerunt testes septimae manus tam viri, quam mu- lieris, inter quos praestat depositio matris actricis. Iussu tribunalis corpus mulieris plures medici examinarunt, qui licet illam affectam esse vaginismo affirmant, tamen aliquam laesionem hymenis invenerunt.

Disceptatio Synoptica

VOTUM THEOLOGI. Rogatus, ait i l le, de mea sententia, haec mihi observanda videntur ad duplex Dubium quod pro- poni solet :

I. An constet de nullitate matrimonii in casu ; et qua- tenus negative :

II . An consulendum sit SSmo pro dispensatione a ma- trimonio rato et non consummato.