PARISIEN. 365

Pontifice expenderunt quaestionem de validitate matrimonii clandestini haereticorum inter se, aut mixti in Statibus Foe- deratis Belgii et Hollandiae, semel admissa validitate ma- trimonii haereticorum inter se, concordibus suffragiis admi- sisse quoque validitatem matrimonii mixti.

Quod vero ipsum spectat Tridentini decretum Tamet- si, praeprimis inquirendum hic venit an et quo sensu ipsum constituat legem generalem Ecclesiae. Modus ipse singula- ris ac extraordinarius, quem in eiusdem decreti promulga- tione servandum voluerunt Patres Tridentini, clare demon- strat, non posse quoad ipsum iisdem criteriis, quibus in aliis legibus, proeedi. Notum siquidem est, promulgationem esse de ratione ipsius legis, S. Thom. /. 2, q. 90, n. 4; adeo ut sine promulgatione nulla sit legis obligatio quoad subditos ; leges enim, ait Gratianus C. III, Dist. IV, tunc instituuntur cum promulgantur. Atqui licet decretum Tri- dentinum latum fuerit pro bono totius ecclesiae ; ac proin- de, ut ita dicam, in feri appellari possit lex generalis Ec- clesiae ; non ita tamen dicendum in facto esse ; cum enim Patres Tridentini statuerint, ut decretum publicaretur in unaquaque parochia et vim non haberet nisi post triginta dies a facta publicatione ; cumque de facto non in omnibus parochiis ipsum publicatum sit, apparet idem decretum de facto non omnes Ecclesiae subditos respicere, ac proinde non constituere de facto legem generalem Ecclesiae. Patet hinc falso omnino nonnullos Doctores quoad has paroecias, in quibus lex Tridentina clandestinitatis publicata non est, in- vocare principium exemptionis a iure communi, ut exinde deducant, exemptionem hanc localem esse, non vero per- sonalem. Siquidem heic nulla decreti publicatio facta est ; ideoque nedum pro parochis, sed et pro ipsis personaliter parochianis decretum ipsum nullam vim habet. Equidem intelligo principium, ad quod isti Doctores appellant quando agitur de iure communi, quod sit pro omnibus subditis pu- blicatum ; tunc enim si quacumque ex ratione detur aliqua exemptio, haec quidem ex generali principio non personalis,