366 EX S. C. RITUUM

stus est, atque ex eius doctrina repetenda sit, in membris etiam eluceat necesse est, quae 'ad Ecclesiam pertinent. Inde fit, ut nullo non tempore viri pietate insignes extiterint, qui omni vir- tutum genere in exemplum enituerunt, atque ad aliorum lucra naviter iucubuerunt. Quod quidem si unquam alias, luculenter patuit saeculo decimo septimo vertente. Ut enim Francisci Sa- lesii, et Vincentii a Paulo nomina silentio premamus , neminem latet quam pulcrum in Sanctorum semita nomen sibi condide- rit B. Petrus Fourier de Mataincouria, e Dioecesi Tullensi sa- cerdos. Hic sane a teneris mores induit sanctissimos, vitaeque integritate excelluit: nihil in eo non ad christiani pudoris nor- mam exactum, nihil quod ab honesti rectique legibus minimum abesset. Inter canonicos adscitus qui a S. Augustino nomen mu- tuantur, mirum est quanta contentione, quantaque alacritate reli- giosae vitae munia obiverit. Curiae Mataincouriensi praefectus, dici vix potest quanta solertia concredito sibi gregi advigilaverit, illud in primis cavens ne impia in Deum coelitesque dicta iactaren- tur, ne festi dies choreis, comissationibus, re rumque divinarum oblivione et contemptu tererentur, neve vitia, pulso poenarum metu, late vagarentur. Omnem autem contulit operam ut fidei ru- dimentis minuta plebs imbueretur, ut tenerae puerorum mentes ad pietatem fingerentur, ut odia praesertim restinguerentur omnesque civium ordines virtutum, religionisque studio recale- scerent. Pristinae disciplinae restitutor, ac summus magister praepositus Congregationi, cui a Salvatore nostro nomen est factum, sapientibus illam communivit institutis, ad perfectioris vitae normam exactis. Virginum collegia, datis legibus, consti- tuit, quibus a Domina nostra nomen indidit, quaeque curam omnem, et ingenium ad puellas probe instituendas conferrent, earumque ineuntem aetatem ad religionis rite obeunda munia, et ad eas artes quae bene recteque moratas decent, veluti manu ductarent. Nec minus eduxit B. Petri caritas in populum uni- versum, cuius bono sic studuit, ut animorum salus lex sibi es set suprema. Quae quidem omnia adeo eximiae virtutis ac prae- clarae sanctitatis argumento sunt, ut mirum videri possit, tam sero de coelitum sanctorum honoribus illi decernendis, agi coe- ptum fuisse. Verum, si quis animo reputet.Dei nutu cuncta mo- derari, impiaque in quae incidimus tempora prae oculis habeat, facile intelliget non opportunum modo, sed maxime utile aetati huic nostrae accidere Religiosum virum inter sanctos coelites