ABELLINEN. 367

trimonium, saltem ex parte mulieris non fuisse contractum ex propensione atque affectu, qui necessarii sunt ut matri- monium felicem habeat exitum, non vero saltem certo con- cludi potest matrimonium contractum fuisse sub tali metu qui matrimonium nullum reddat.

Ad II. dubium ; mihi respondendum esse videtur : non satis constare de inconsummatione.,

De existentia caussarum ad postulandam dispensationem, nulla potest esse quaestio. Evidens est ex universo processu antypathia et animorum dissociatio ; sicut etiam ex parte saltem Evelinae aliqualis difficultas ad matrimonialia officia obeunda, ceu testatur medicus Novi.

Tota igitur quaestio reducitur ad probandam inconsum- mationem.

Porro inconsummatio triplici argumentorum genere pro- bari solet s c : I o argumento, ut ita dicam, metaphysicof de- sumpta ex absoluta impossibilitate, qua fuerunt coniuges una simul conveniendi ; 2° argumento physico, desumpto ex certis indiciis inconsummationis, post institutam mulieris corporis inspectionem ; 3° argumento morali, quod consistit in iurata coniugum confessione de non consummatione se- ptimae manus testimonio corroborata, nec non aliis admi- niculis atque praesumptionibus.

Atqui in casu nostro non potest fieri recursus ad pri- mum argumentum, cum sponsi una simul cohabitaverunt quatuor annorum spatio ; recursus ergo fieri debet ad argu- mentum physicum et morale.

Iam vero quoad argumentum physicum, ex peritorum attestationibus hoc unice concludi posse videtur, certo mu- lierem corruptam esse, caussam autem corruptionis ex sen- tentia aliquot Doctorum probabiliter non fuisse copulam car- nalem, sed operationem sic dictam massaggio, cui dicitur mulier subiecta fuisse.

Quoad vero argumentum morale maritus deponit utique sub iuramento matrimonium non fuisse consummatum, ali- qua tamen addit quae efficaciam depositionis imminuunt ;