PARISIEN. 367

quidem evidens est, hoc alterum non esse nisi meram de- clarationem immediatae et necessariae consequentiae ex prio- ri ; inhabilitas enim contrahentium ipso iure et per se ipsam secumfert nullitatem contractus ; cum capacitas subiecti sit unum ex requisitis pertinentibus ad essentiam contractus. Quando igitur S. Synodus irrita ac nulla edixit coniugia aliter contracta, nihil novi per hoc statuit, sed simpliciter expresse declaravit, quod inerat iam decretae inhabilitati sponsorum ad aliter contrahendum. Quare haud consona Tridentini decreto apparet theoria ab eodem sacramenti Ad- sertore in medium prolata, quod nempe contingere possit, ut quis solummodo prima, vel tantum altera, vel utraque ligetur decreti parte ; nec omnes eodem modo, sed alii du- plici, alii simplici funículo vinciantur; una enim est lex Tridentina; unicum eiusdem legis obiectum, unicumque fu- niculum, quo eodem omnino modo omnes vinciuntur, ad quos eadem lex porrigitur.

Nec maiori soliditate nititur doctrina alterutrius matri- monii Vindicis Parisiensis; verum enim est, legem Triden- tinam esse simul personalem et localem ; at minime verus est sensus, quo huiusmodi distinctio ab ipso- accipitur. Nam non est ratio domicilii vel quasi-domicilii, ut ipse arbitra- tur, quae facit differentiam inter legem qua personalis est, et qua localis; siquidem ratio haec ex principio generali communis est cuicumque legi ; cum lex non obliget nisi sub- ditos ; subditus autem nonnisi ratione domicilii vel quasi- domicilii quis fit.

Quo huius distinctionis sensus recte percipiatur, et sic rite determinetur quid voluerit Instructio S. C. S. Officii diei 14 Dec. 1859 cum statuit, legem Tridentinam esse si- mul personalem et localem, recolenda hic sunt et appli- canda quae supra ex principiis generalibus iuris praemisi- mus. Ex regula generali quaelibet lex natura sua non re- spicit nisi omnes et solos subditos intra ius dicentis terri- torium manentes. Exinde duo sequuntur: I o Ut quaelibet lex natura sua non sit nisi pro subditis ; 2° Ut quaelibet