374 EX S. C. STUDIORUM

XVI. In textu canonico, per biennium explanando, binae quo- tidie lectiones, mane et vespere habendae sunt, qua rum quae- que saltem ad integram horam protrahatur. Sed re rum pertra- ctatio amplior prorsus et profundior a Professoribus fiat, prouti et natura exigit Facultatis, privilegio auctae gradus conferendi,, et graduum ipsorum excellentia ac dignitas expostulant.

XVII. Optandum valde est, ut subsidiaria et affinis iuris ca- nonici cathedra penes Facultatem exigatur, in qua per pro- prium situm Institutorem praecipuae exponentur notiones et quaestiones selectae iuris civilis, huiusque cum iure canonico comparationes. Si haec cathedra instituatur, eius praelectionibus omnes aderunt alumni saltem per biennium.

XVIII. Exercitationes scholasticae, quas circulos vocant, ali- quoties privatim in hebdomada , et aliquando per annum so- lemniter habeantur, quibus interesse omnes debent alumni et uno ex Professoribus adstante et moderante, quaestiones ma- ioris momenti latino sermone defendantur et obiectiones solvan- tur methodo scholastica. De alumnorum ad huiusmodi circulos frequentia, .ratio etiam habebitur pro eorum ad examina ad- missione.

XIX. Quotannis typis edenda sunt programmata praelectio- num et quaestionum, quae a professoribus per singulos cursus exponendae sunt : huiusmodi programmata a Praeside, collatis cum Regente studiorum et professoribus consiliis, revisenda et approbanda sunt; et publice exponenda una cum Kalendario- et horarum per singulas classes distributione.

C A P U T IV.

De examinibus et de graduum collatione.

XX. Praeter ordinarios Facultatis professores, alios in iure Doctores, etiam e clero saeculari, si ei placuerit, seligendos, advo- cabit Magister Generalis, ut una simul cum facultatis Professori- bus experimenta a lumnorum faciant, qui ad gradus contendunt.

XXI. Praeter studiorum programmata etiam examinum the- ses vel tituli edendi typis erunt, ut alumnis, qui gradibus insi- gniri expostulant, palam fiant materiae, super quibus periculum scientiae erit peragendum.

XXII. Pro baccalaureatus gradu, theses proponantur saltem triginta, quae praecipua capita Institutionum continere debent.