376 ABELLINEN.

ANIMADVERSIONES DEFENSORIS MATRIMONII EX OFFICIO. Eques Stanislaus et Evelina matrimoniale vinculum, quod die 22 Iu- nii 1 8 8 2 , ille in aetate annorum 2 2 , haec 18 constituti, con- traxerunt, dissolvere cupientes, contendunt a) Evelinam metu reverentiali a matre fuisse ad matrimonium adductam, b) ma- trimonium opere incompletum mansisse.

Sed incassum laborant. Etenim, quod attinet ad primum, metus incussio est quid facti ; et proin per facta, prout sci- tissimum est, probetur oportet. Iam vero ne unum quidem factum prostat in actis, quod metum gravem, seu reveren- tialem necessariis -praeditum conditionibus, intercessisse de- monstret.

Quinimo parochus, qui Stanislaum et Evelinam iugavit, parochiali inseruit codici : « Testor insuper praedictos mutuo cum amore et perfecta libertate matrimonium contraxisse et celebrasse ».

Quo vero ad matrimonii assertam inconsummationem, satis superque est advertere in probatis non viri impotentiam esse nec mulieris. Et quod magis est, ex tot medicis, qui Evelinae corpus perlustrarunt, nemo, nec ipse peritus Ioannes Pamlikoff, cuius testimonium Evelina exhibet ultima hora, physicam Evelinae virginitatem exploratam habet.

Quibus animadversis, proposita fuerunt dirimenda

Dubia

I. An constet de nullitate matrimonii in casu. Et qua- tenus negative :

II. An consulendum sit SSmo pro dispensatione a ma- trimonio rato, et non consummato.

RESOLUTIO. Sacra C. Concilii re disceptata sub die 2 1 Au- gusti 1 8 9 7 , censuit respondere :

Ad I. Negative. Ad II. Ex deductis non constare de non consummatione

matrimonii.