377

BONONIEN.

DISPENSATIONIS MATRIMONII

Die 8 Maii 1897. Sess . 24, cap . 5 De ref. m a t r .

COMPENDIUM FACTI. Maria Christina puella 20 annorum, servata Tridentina forma, die 26 Aprilis an. 1880 in Ec- clesia Cathedrali Foroliviensi matrimonio iuncta est Fran- cisco 24 annos nato.

Infelicissimae praesertim pro Christina illico nuptiae evaserunt, namque maritus impotentia coeundi laborasse vi- detur, qua de causa ipse in toto cohabitationis tempore, num- quam, uti modo asseritur, officia coniugis adimplere valuit, etsi nihil intentatum reliquerit ad viripotentiam acqui- rendam.

Quamvis ex huiusmodi miserrimo statu mulier mala ute- retur valetudine, ac plurium consilio exhortaretur ad pe- tendam sui matrimonii dissolutionem, tandem recedere a ta- lami communione, annuente vi ro , contenta fuit. Ast pro- gressu temporis cum nulla amplius Christinae efiulgeret spes circa mariti potentiam ad actum coniugalem, et cete- roquin , ut ista refert, ex parte parentum et viri familia- rium ipsi aerumnae atque molestiae augerentur, deliberavit tandem solutionem coniugii petere.

Itaque sub initio Septembris anni 1895, derelicto Fran- cisco, Forum Livii petiit, apud matrem se recipiens; atque eodem mense Summo Pontifici direxit preces, ut suum ma- trimonium, ob viri impotentiam numquam consummatum, benigne dispensaret.

Emus Bononiensis Archiep., cui a S. Congr. preces re- missae fuere, per Iudicem delegatum ad iuris tramites con- ficere curavit processum ac Romam acta transmittens haec S. C. C. significanda esse duxit:

« Pro veritate testari gestio tum Actricem, tum Franciscum religione, pietate ac honestate vitae esse omni-