BONONIEN. 379

Quanti vero, prosequitur, ex Canonum doctrina, ac S. C. C. praxi habenda sit iurata mulieris fides, nemo est qui ignoret, maxime si, prout in casu, agatur de muliere eximia honestate ac pietate praestante. Quod quidem testes septimae manus omni exceptione maiores, ab eadem produ- cti, omnes con testan tur, ac insimul unanimi voto declarant, non solum se habere moralem persuasionem, ipsam confes- sam esse veritatem ; sed etiam tempore non suspecto se di- dicisse matrimonium non fuisse consummatum.

In casu vero nullam affirmât orator adesse necessitatem ad testes appellandi, cum irrefragabile physicum argumen- tum virginitatis habeatur, ut videre est in depositione An- tonii Capurri qui extraiudicialiter Christinam inspexerat. Huic consonat medicus Ioseph Ravaglia et Aloisius Rodolfi atque Fridericus Fabbri.

Has insuper medicorum depositiones adamussim confir- mant periti, qui ex Tribunalis mandato et iuxta S. C. prae- scripta corporalem mulieris inspectionem peregerunt.

Obstetricum iudicium, observat patronus, a medico Ca- ietano Modonesi, qui ex officio eas ante inspectionem in- struxerat, confirmatur, tenens et ipse : quod Christina etiam nunc reperiatur in statu perfectae virginitatis.

Neque interest, quod peritus Raphael Montebugnoli a citato dissentiat, siquidem eius assertiones advocato atten- dibiles haud videntur. Affirmat in primis medicus Monte- bugnoli, se non posse iudicium in re tanti momenti emittere solae obstetricum relationi obnixum. At hoc est contra S. C. instructionem, qua de causa inutile putat orator eius pere- grinam theoriam re feilere. Existimat insuper integritatem hymenis argumentum omnino tutum non praebere de incon- summatione matrimonii. At hoc pariter, urget procurator, directe est, nedum contra receptissimam insigniorum ana- thomiae et medicinae forensis auctorum doctrinam, sed etiam contra S. C. C. praxim, quae constanter in eo praecipue signo regulam normamque certam recognovit pro virginitate dignoscenda.