PARISIEN. 383

difficulter videtur intelligi, quomodo in foro ecclesiastico mutatio domicilii a minore sub hoc respectu matrimonii cele- brandi facta pendeat a consensu patrisfamilias. Nam cap. 3 de iudiciis II, 1 in Sext. legitur: « Si annum quartum decimum tuae pere gisti aetatis in beneficialibus et aliis causis spiritualibus necnon dependentibus ab eisdem ac si maior 25 annis existeres ad agendum et defendendum per te vel per procuratorem, quem ad hoc constituendum decreveris, admitti debebis ». Atque in fine eiusdem capitis additur: « In huiusmodi quoque litibus sive causis, quemquam in potestate patris existas nec alias absque ipsius assensu in iudicio regulariter esse possis, eius, cum de iis se intromit- tere non habeat, nequaquam requiri debebit assensus ». Iam causa matrimonialis est evidenter causa spiritualis ; ergo etiam minor, qui annum decimum quartum iam superavit, in causis quoque dependentibus a causa spirituali ab assensu sui patris non videtur dependere. Praeterea « cum libera debeant esse matrimonia », ut dicitur cap. 29. X. de sponsal. et matr. IV. 1, atque Concilium Trident. Sess. XXIV. cap. 1. de ref. matr. declaravit matrimonia a filiisfamilias sine consensu parentum contracta non esse irrita, sane ista libertas celebrandi filiorumfamilias multum videtur arctari, si in acquirendo vel derelinquendo domicilio quoad matrimo- nium celebrandum dependerent a consensu parentum.

Reeolenda insuper est doctrina Benedicti XIV. tradita in fine suae Declarationis pro Hollandia. Etenim ibidem declarat coniugia, quae contrahuntur in regionibus princi- pum catholicorum ab iis, qui in provinciis foederatis domi- cilium habent et alia, quae fiunt in foederatis provinciis ab habentibus domicilium in regionibus principum catholicorum, diiudicanda esse iuxta canonica iuris communis principia et editas a S. C. C. resolutiones. At idem Benedictus XIV. ut doctor privatus in suo opere de Synod dioec. I. VI, cap. 6, n. 14, inter alia, quae ad explicandam laudatam Declara- tionem pro Hollandia conducunt, disertis verbis docet de praedictis matrimoniis satis provisum esse per canonici iuris