386 COMMENTARIUM

Porro Legislator minime hac in paragrapho loquitur de iuris- dictione ordinaria, sed de iurisdictione quasi episcopali; ad hanc

•igitur limitanda lex est. Itaque hac quasi episcopali iurisdictione gaudent qui, exce-

ptis iis quae ad ordinem pertinent episcopalem, reliqua quae iurisdictionis sunt, veluti suo iure exercent, quibusdam exclusis.

Hi vero praelati sunt Abbates territorium separatum unius vel plurium oppidorum habentes, et ab Episcopi iurisdictione plane independentes; ut sunt ex. gr. Abbates Montis Cassini, S. Pauli de Urbe, aliique.

Sunt etiam Abbates illi sive saeculares sive regulares Ro- mano Pontifici immediate subiecti, qui in Clerum seu regula- rem seu saecularem eam exercent auctoritatem, quam a Re- gulis et Constitutionibus Ordinis, aut apostolicis privilegiis con- secuti sunt.

Sunt quoque illi qui dicuntur in Dioecesi, quatenus pote- statem exercent in Clerum et populum certi loci, qui in Dioe- cesi alterius Episcopi continetur, propterea territorium ab ea separatum non habent eorumque iurisdictio potius personalis est quam localis.

Sunt Superiores generales Regularium; quibus accensentur etiam provinciales.

Vicarii Capitulares, Sede episcopali vacante, cum per mor- tem Episcopi huius iurisdictio ad Capitulum de volvatur; qui ta- men eam exercet Vicario capitulari mediante.

Demum Vicarius generalis, non qua praelatus est, sed qua unum tribunal cum Episcopo constituit et eamdem cum illo iu- risdictionem exercet.

Attamen Superiores regulares sive generales sint, sive pro- vinciales, Abbates qui tantum in monachos, aut Clerum saecu- larem, non autem in populum, potestatem habent, ex praesentis paragraphi concessione excludendi sunt.

Etenim Legislator inferius ita se exprimit: « Quod si iidem « (id est Episcopi aliique Praelati iurisdictione quasi episcopali « pollentes) generalem a Sede Apostolica impetraverint facul- « tatem ut fidelibus libros proscriptos legendi retinendique li- « centiam impertiri valeant etc. ».

Hi ergo Praelati iurisdictione quasi episcopali pollentes, de quibus Legislator loquitur, sunt illi, qui possunt, ob obtentas a S. Sede Apostolica facultates, fidelibus concedere licentiam le-