DIVISIO TEXTUS.

Et hoc autem dignum, ut aestimo, etc.

In hoc capitulo quaeritur de numero Angelorum ratione ejus quod dicitur Dan. VII, 10 : Millia millium ministrabant ei, et decies millies centena millia assistebant ei.

Dividitur autem in partes duas. In prima movet quaestionem. In secunda solvit, ibi, Ei per hos aperte signans. Et est haec solutio sua, quod per hos maximos numeros quoad nos significatur numerus eorum esse infinitus nobis, excedens materialern multitudinem.

numeros, in seipsos glomerando ac multiplicando, quo per hos aperte declararet caelestium essentiarum ordines a nobis annumerari non posse. Multi namque sunt beati supermundanarum mentium exercitus, qui infirmam et contractam materialium nostrorum numerorum rationem penitus excedunt, sciteque definiuntur a sola ipsorum supermundiali caelestique intelligentia scientiaque, quae illis abundantissime conceditur a Dei principali et infinitorum conscia creatrice sapientia, quae superessentialiter omnium simul rerum et principium, et causa substantifica, et continens virtus et complectens determinatio existit.