PARISIEN. 595

Profecto P. Tarquini atque advocatus actricis senten- tias a se relatas et impugnatas epithetis honorificis non ex- ornant. Quamvis mihi statim ab initio candide quoque fa- tendum videatur, me non posse consentire interpretationi textus Tridentini ab utroque defensore vinculi datae, tamen a severioribus censuris et notis penitus abstineo. Vix enim mihi persuadere possum interpretationem quandam esse aperte absurdam, quae saltem illud effecit, ut haec causa matrimo- nialis differretur et exigeretur votum duorum consultorum. Causae enim matrimoniales exigunt promptam definitionem, sed propter absurdas interpretationes sententiae iudiciales ab Emi Patribus non solent differri neque exigi inutilia vota consultorum de absurdis interpretationibus. Neque illud re- ticendum, quod tum P. Tarquini tum advocatus actricis re- currant saltem ad aliqua argumenta debilia vel nullius fere momenti. Sane si P. Tarquini cum emphasi exclamat, se nunquam plane vidisse ita iudicari, est argumentum peti- tum ex ignorantia sive defectu scientiae ; at ex defectu scien- tiae solide non probatur non existentia alicuius rei , nam etiam doctissimo consultori facile accidere potest, ut deci- siones S. C. ignoret raro datas et forte ante sat longum tempus praesertim in S. C. Inq., quae huiusmodi decisio- nes in causis matrimonialibus promulgare non solet. Quodsi idem consultor addit, se semper vidisse contrarium, haec evidenti nituntur aequi vocatione. Quomodo enim videre po- tuit decisiones contrarias perpetuo datas, quae post accu- ratam investigationem etiam in archivio S. C. Inq. factam nullibi fuerunt inventae, quas penitus ignorat Secretarium S. C. C. in causa Parisiensi a. 1868, ubi exacte causas ad rem facientes recenset, sed ne unam quidem, quae huc spectaret. Idem accidit in prima huius causae propositione, ubi in relatione ex officio facta de similibus casibus a S. C. C. definitis est altum silentium, atque ipse advocatus actricis candide fatetur casum plane novum et a saeculis non de- cisum subiici iudicio Emorum Patrum. Denique est argu- mentum palmare. Post solemnem illam exclamationem de