396 COMMENTARIUM

Sed praeter Rectores Universitatum catholicarum speciali titulo ad denunciandos pravos libros tenentur Nuntii , Delegati Apostolici, Locorum Ordinarii.

Nuneii porro sunt Legati missi non Cardinales, qui a Ro- mano Pontifice mittuntur ad unam vel plures provincias, ut ibi m u n u s legationis obeant. Eorum est supremam quoad spiritua- lia atque ecclesiastica negotia inspectionem habe re , principes et populos in Fide catholica et debita Sanctae Sedi Apostolicae obedientia et reverentia conservare, Constitutiones Pontificias in usum deducere, ad Romanum Pontificem notitias deferre de iis quae vel promovere vel detrimentum inferre religioni et Ec- clesiae catholicae videntur, circa vitiorum correctionem, disci- plinam ecclesiasticam stabiliendam, statuta condere etc. Nuntiis autem accensendi sunt etiam Internuntii.

Delegati Apostolici dicuntur qui per modum specialis com- missionis destinantur a Romano Pontifice vel ad universalitatem causarum, vel ad speciales causas; idcirco non agunt auctori- tate ordinaria.

Ordinarii locorum autem sunt Episcopi, aliique praelati iu- risdictionem quasi Episcopalem in territorium separatum, vel in subditos laicos habentes; qua de causa hac in paragrapho com- prehendi nequeunt Superiores Ordinum regularium, cum hi uti locorum Ordinarii nec existimentur, nec sint sed veniant tan- tummodo sub nomine Praelatorum Ecclesiae.

Nuntiis itaque, Delegatis Apostolicis, Episcopis aliisque lo- corum Ordinariis atque Universitatum Catholicarum Rectoribus asserit Pontifex speciali titulo pertinere officium ad Sedem Apostolicam, vel ad Episcopos pravos libros denuntiandi. Hi igitur munere commisso strenue fungantur; atque cum de re gravissima agatur, et innumerabilium maiorum scaturigine, sedulo inquirant an, et quinam libri in regno, in provinciis, in Dioecesibus circumferantur, ut doctrinae quam continent accepta notitia, ii ad quos spectat, prescriptionem decernere possint.

Neque hi putent nullo obstringi peccato si eiusmodi munus posthabeant; cum enim animarum pastores sub gravi teneantur greges sibi commissos a venenatis arcere pascuis, non intelli- gimus quomodo Nuncii, Locorum Ordinarii, Universitatum ca- tholicarum Rectores gravi culpa excusari possint si negligenter aut nullimode munere suo fungantur.

Speciali autem titulo ad hos pertinere denuntiationes insti-