396 EX S. C. CONCILII

beant contrahere tanquam proprio, de hac re expresse nihil habet. Quare advocatus actricis melius provocasset ad clau- sulam finalem declarationis Benedicti XIV pro Hollandia.

Coronidis loco illud sit additum, quod advocatus actri- cis decretum Urbani VIII cum communi quadam sen- tentia doctorum ita interpretatur, ut matrimonia in primo et secundo casu allegata, ab Urbano VIII fuerint declarata irrita « non ob inhabilitatem contrahentium, sed potius in fraudis poenam ». At si iam ipse textus decreti Urbani VIII rite explicatus ob diversitatem casus a defensoribus vinculi non sit timendus, multo minus falsa interpretatio textus illius decreti ut legitimum argumentum allegari potest. Nam nunc iam diu non amplius dubitari potest, quin matrimo- nia in primo et secundo casu fuerint invalida praecise pro- pter inhabilitatem personalem contrahentium, non formali- ter in poenam fraudis. Nam ex Instr. S. C. Inq. et ex ite- ratis decisionibus S. C. C. et S. C. Inq. S. C. nunc certo constat talia matrimonia esse certo invalida etiamsi contra- hentes absque ulla fraudulenta intentione matrimonii cele- brandi et parochum proprium declinandi ex suis parochiis iuri Tridentino subiectis discesserint et alibi bona fide in parochia exempta coram parocho (non suo) celebrarint ma- trimonium. Nam lex Tridentina est localis et personalis, ut constat ex Instr. S. C. Inq. 14 Dec. 1859. At obligatio illa personalis in discedentibus ex parochia iuri Tridentino adstricta non cessat, nisi in loco a iure Tridentino exempto saltem quasi-domicilium acquisiveri t aut facti sint vagi. Ideoque contrahentes vere in fraudem proprii parochi agunt quamdiu conditiones ipso iure statutas ad obtinendum im- munitatem ab illa obligatione personali non impleverint. Quae sententia cum a S. C. O. et S. O. Inq. in complu- ribus declarationibus nullitatis matrimonii fuerit adoptata, ita certa evasit, ut contraria omnem probabilitatem amise- rit. Cfr. Gasparri c. n. 985 sq. Quare collectio illa do- ctorum, quae in favorem alicuius communis (vel commu- nioris) sententiae contrariae allegatur, sane est insigne mo-