COMMENTARIUM 599

eam facta fuerit) velit per seipsam iudicium in librum denun- tiatum instituere; quod est in eius potestate.

Animadvertant tamen denuntiatores, una cum animadver- sionibus opus mittere ad eos ad quos denunciatio dirigitur; ete- nim testis veritatis censurae est opus; neque S. Congregationis Indicis Praefecti denunciationem executioni mandant, nisi opus in quod censura facta est prae manibus habeant; quandoquidem tum opus, tum censuram, seu denunciationem, examinandum postea committunt uni, vel pluribus consultoribus, iuxta ea quae praescribuntur in cit. Const. Benedicti XIV Sollicita ac pro- vida. Votum autem ab his confectum atque typis impressum distribuitur Consultoribus totius Congregationis tum parvae seu preparatoriae, tum Eminentissimorum Cardinalium. Die autem indicta, universi, singillatim interrogati, sententiam suam super vota Consultorum, quibus etiam animadversiones denunciatoris adnectuntur, liberrime pronuntiant;; atque opus quod in aula ubi Congregatio agitur expositum tenetur, aut dimittendum, aut condemnandum, aut corrigendum decernitur iuxta pluralitatem suffragiorum.

Ut denunciatores in deferendis ad Romanam Sedem noxiis libris quamlibet ex animo formidinem abiiciant, Legislator se- curos reddit, praecipiendo iis ad quos denunciatio defertur, ut denuncia torum nomina silentio altissimo premant ; idque pru- dentissime, ne odia, ne iurgia, ne praeconcepta exoriantur iu- dicia, et intempestivae querelae (1). Sciant insuper denuntiato- res, penes S. Indicis Congregationem universos Consultores, E- minentissimos Patres, ipso Eminentissimo Praefecto atque Se- cretario non exceptis, nec ipsis Secretariae aut Congregationis famulis, antequam officium suscipiant, obstringi ad emittendum iuramentum de secreto servando circa ea quae in Congregatione geruntur; quod sine gravi peccato transgredi nemini licet. Qua de causa universi ad Congregationem pertinentes de iis omni- bus quae in ea aguntur loqui non possunt nisi inter se, aut cum iis personis, quae ad S. quidem Congregationem non pertinent, sed eodem iuramento, ob aliquam specialem causam, ligantur; quod sint, ex. gr. auditores Cardinalium ad Congregationem per- tinentium, etc.

67. Fuit semper Episcopis potestas pro sua Dioecesi libros

(i) Id tamen ipse Benedictus XIV praescripserat in Const. Sollicita % 12.