DIVISIO ET EXPOSITIO TEXTUS.

Inchoandum autem, etc.

Hic incipit determinare de. figuris corporum quibus describunt Angelos, secundum quid competant eis hujusmodi figurae.

Et dividitur in partes duas. In prima determinat de quadam figuratione quae quasi communis est omnibus figuris ipsorum. In secunda determinat de specialibus figuris, in quibus quandoque apparent, ibi (sig. ,4,sub initio), Sed et humani- formes.

Prima dividitur in partes duas. In prima ostendit quare semper ostenduntur collocare, fluminaque ingenti fragore flammigerantia ; quinimo thronos igneos esse dicit, ipsosque summos seraphim incensos ex ipso nomine declarat, eisque proprietatem et actionem ignis tribuit ; atque omnino sursum ac deorsum igneam figuram singulariter commendat. Quapropter formam igneam significare censeo, caelestium intelligentiarum maximam cum Deo conformitatem : sancti siquidem theologi superessentialem, et quae formari nequit essentiam, in igne saepenumero describunt, tamquam qui multas quodammodo visibiles, si dictu fas est, divinae proprietatis imagines prae se ferat.

. in forma ignea, in quacumque etiam alia forma appareant. In secunda ponit proprietates ignis secundum quas maxime ostenditur conveniens spiritualibus repraesentandis, ibi (sig. 3), Ignis enim sensibilis.

Prima dividitur in partes tres. In prima assignat rationem ordinis, et movet quaestionem. In secunda confirmat quaestionem, ibi, Invenies ergo, etc. In tertia solvit, ibi, Ergo igneum, etc.

Littera sic legatur : Diximus quid considerandum est de formationibus generaliter. Autem, id est, sed in determinatione de unaquaque figuratione inchoandum ratione, id est, rationis ordine a formis communibus, et quaerendum est in prima discretione formarum, id est, quando primo incipimus divisim de. eis

determinare, vel in prima forma discernente, quae scilicet est communis. Quaerendum dico ob quam causam Theologia, id est, sacra Scriptura invenitur honorans ignitam sacram descriptionem, Id est, reputat eam tali honore dignam, ut per hoc describat sacra, scilicet divina et angelica, et hoc fere ultra omnes alias figuras : quia pluries eis utitur.

Invenies ergo eam, scilicet Theologiam,

non solum conformantem Angelis rotas igneas (Ezech.I, 13) : sed etiam animalia ignita. (Ezech. I, 13 et IX, 3), et similiter visos quasi ignem fulgurantes, id est, splendentes (IV Reg. VI, 17, de Eliseo, et in II Mach. x, 29) : et invenies etiam eam circumporientem circa eas caelestes essentias cumulos carbonum ignis (Ezech. IX, 3 et X, 4), et etiam flumina flagrantia igne immensurabiit sonitu (Dan. vii, 9 et 10). Sed ei, id est, etiam Theologia ait Thronos esse igneos (Ezech. i, 13, et Dan. vii, 9 et 10), ei significat vel significare eam invenies excelsissimos Seraphin ex cognominatione eorum esse ardentes caelitus, id est, caelesti igne, et distribuit ipsis, scilicet Seraphin proprietatem ignis et operationem, scilicet ardere, in quo notatur eminens esse proprietas ignis, quia summis attribuitur : ei omnino Theologia honorificat selectim, id est, singulariter facturam formarum, id est, compositionem figurarum ignitam sursum, id est, in superioribus, deorsumque, id est, inferioribus.

Ergo igneumi etc. Hic solvit, et est solutio sua, quod quia Deus describitur in forma ignis propter nobiles ejus proprietates, describuntur etiam Angeli ut designentur Deo simillimi.

Litter a, sic legatur : Ergo ex quo sic saepe conformantur ignito, ego censeo, id est, arbitror, igneum, id est, igneas formas significare defformissimum, id est, maximam similitudinem ad Deum inter alias creaturas, animorum caelestium, id est, Angelorum, Enim ipsi sancti Theologi describunt saepe in igne divinam essentiam superessentialem, id est, quae est super omnem essentiam, et informem, id est, sine figura, sicut Exodi, III, 2, apparuit in rubo ignis, et Deuteron. IV, 24, et ad Hebrae. xii, 29 : Deus noster ignis consumens est. In igne dico tamquam habenti multas imagines et similitudines divinae proprietatis, quantum est possibile in visibilibus, quia imperfecte repraesentant, si tamen fas, id est, licitum est dicere, quod habeat imagines proprietatis divinae : non enim habet nisi secundum proportionem act actum.