DUBIUM.

Hic est dubium, utrum debeant Angeli maxime describi per igneas figuras ?

1. Et videtur quod non : supra enim cap. II dictum est, quod convenientius describuntur spiritualia per ignobil ia, in quibus non possumus decipi : cum igitur ignis sit de nobilissimis corporibus, non convenienter describuntur per ignem.

2. Praeterea, Ignis est paena damnatorum Angelorum : ergo non convenienter est instrumentum bonorum et beatorum Angelorum.

3. Praeterea, Approximatio ignis est cum nocumento : sed Angeli assumunt corpus ad salutem nostram : ergo non convenit eos assumere corpus igneae fi-

gurae.

Solutio. Dicendum, quod supra dictum est,quod convenientius describuntur per vilia quantum ad nos : sed hic loquitur secundum quod decet eos.

Ad secundum dicendum, quod secundum expositionem Basilii super illud Psal. XXVIII, 7 : Vox Domini interciden-tis flammam ignis, cc Ustivum ignis dice videtur a lucido, et ustivum includetur " in inferno ad paenam damnatorum, et " lucidum ignis remanebit supra ad ju-" cunditatem electorum. " Et similiter dicimus, quod Angeli secundum nobiles proprietates ignis assumunt igneas figu-

ras, scilicet secundum lucem : et secundum hoc non est poena damnatorum.

Ad tertium dicendum, quod ustivum est nocivum in igne, et hoc non assumunt, sed tantum splendidum : unde dixit supra cap. II, " ignem innocue splen " dentem spiritualibus aptari. "

3