BALTH. CORDERII, S. J. INTERPRETATIO.

Ignis namque sensibilis inest omnibus, ut sic dicam, ac pure cuncta per- vadit, et ab omnibus excipitur : cumque totus luceat, simul est et occultus ignotusque manet per se, non adhibita materia in quam vim suam exerat: intolerabilis est et invisibilis, omnia superat, eaque quibus insedit ad suum traducit officium : alterandi vim obtinet, omnibus sibi quoquomodo propinquantibus sui consortium tradit : renovat omnia calore vitali, et fulgoribus apertis illuminat: teneri miscerique non potest: secernendi vim habet, immutabilis est, sursum fertur, penetrabilis ; sublimis, nullam sustinet dejectionem ; semper mobilis, seipso movetur, movet alia, comprehendendi vi pollet, comprehendi nequit, non eget altero, clam se amplificat, et in qualibet capaci materia suam indicat

ceptas materias manifestans suimet magnitudinem, activus, potens, simul omnibus praesens invisibiliter, neglectus non esse putatur. Attritu autem, sicut quadam vindicta, connaturaliter et proprie subito relucens, et iterum incomprehensibiliter impalpabilis, non minutus in omnibus ditissimis suimet traditionibus. Et multas fortassis quis inveniet ignis proprietates pulchras (ut in sensibilibus imaginibus) divinae operationis.