PARISIEN". 405

Ordinarii licentia et duobus vel tribus testibus matrimonium contrahere attentabunt ; II. Eos Sancta Synodus 1) ad sic contrahendum omnino inhabiles reddit et 2) huiusmodi con- tractus irritos et nullos esse decernit, prout eos praesenti decreto irritos facit et annullai ».

Nemo profecto defensori vinculi S. C. C. contradicere poterit, si is solummodo contendat in secunda parte alle- gati textus Tridentini (II. Eos Sancta Synodus etc.) duplex membrum esse distinguendum 1) ad sic contrahendum inhabiles reddit; 2) huiusmodi contractus annullai, in quo unumquodque distinctum habeat sensum. Nequaquam enim in Concilio quoque oecumenico adeo facile admittenda est tautologia atque inutilis repetitio, quasi in utroque mem- bro aliis verbis plane idem dicatur. Quodsi advocatus actri- cis in scriptura sua subsidiaria n. 3 videtur sustinere utrum- que membrum secundae partis sese habere ut antecedens et consequens (Inhabiles reddit ideoque contractus annuilat) profecto sensus vere rationabilis illis verbis tribuitur ; est enim legitimum consequens contractum celebratum esse nul- lum, si personae contrahentes fuerunt inhabiles ad valide contrahendum. Cfr. Schmalzgr., Dissertât, prooem, n. 70- 71. At illud animadvetere liceat Patres Tridentinos expres- sis verbis duo membra secundae partis non proponere per modum antecedentis et consequentis, sed ut duas sententias coordinatasi non subordinatus. Quare advocatus actricis non videtur plene attigisse sensum verborum textus Tridentini.

Qui genuinus sensus facile videtur posse erui , si quis ob oculos habeat illam doctrinam theologorum et canoni- starum, quod Ecclesia duplici modo possit irritare matri- monium aut directe efficiendo contractum matrimonialem plane nullum, sive iuridice inefficacem ad producendum vin- culum matrimoniale, aut indirecte inhabilitando personas contrahentes v. g. consanguineos certorum graduum. Quae doctrina a Sánchez I. c, I. III, cap. 4, n. 1 sq. fuse proba- tur atque tandem n. 5 hisce verbis nostro textui Triden- tino applicatur: « Secunda conclusio. Trid. Sess. 25 cap. 1,