408 COMMENTARIUM

(a) Acta S. Sedis Tom. XXX, pag. 374.

Porro nemo laicus, aut ecclesiasticus Cleri saecularis poterat Episcoporum prohibitiones contemnere , postquam Romanus Pontifex statuerat, eis eiusmodi proscriptiones decernere, pro- pria auctoritate competere, neminemque eam posse contemnere praetextu defectus auctoritatis. Hi ergo qui eiusmodi praete- x tum inducebant erant prorsus Regulares , qui se exemptos, et idcirco non subiectos eiusmodi prohibitionibus comminisce- bantur. Sed horum sententiam Romanus Pontifex vocat prae- textum, vocat quaesitum colorem; ergo Pius Papa IX censuit, Regulares subiectos fuisse prohibitionibus noxiorum librorum ab Episcopis propria auctoritate indictis. Atqui ne eiusmodi opi- niones perdurarent , neque quis de cetero proscriptiones eius- modi ab Episcopis latas ausu temerario spernere, vel pro non latis habere praesumeret, eis Pontifex concedit ut in re agant tamquam Apostolicae Sedis delegati, contrariis non obstantibus quibuscumque: ergo saltem (ut modesti simus), post eiusmodi Pii IX Apostolicas literas, Regulares tenentur observare libro- rum proscriptiones ab Episcopis indictas.

6° Feria VI, die 6 Decembris 1895 ad S. Indicis Congrega- tionem « Proposito dubio: Utrum qui habent generalem facul- « tatem legendi libros in Indice librorum prohibitorum contentos, « legere licite possint etiam libros ab Ordinario proscriptos, sine « speciali eiusdem Ordinarii licentia ? Emi Patres responderi « mandarunt : Negative » (a).

T Leo XIII in hac Sua Constitutione Officiorum mandat ut Regulis a se editis catholici homines toto orbe religiose pa- reant. Neminem igitur excipit. At in his ipsis Regulis § 26 prae- cipit : Omnes qui facultatem Apostolicam consecuti sunt legendi et retinendi libros prohibitos, nequeunt ideo legere et retinere libros quoslibet, aut ephemerides ab Ordinariis locorum pro- scriptas, nisi eis in apostolico indulto expressa facta fuerit po- testas legendi et retinendi libros a quibuscumque damnatos. At nemo negaturus erit Regulares indigere facultate Apostolica ut legere libros prohibitos possint : hi ergo nequibunt legere aut retinere libros et ephemerides ab Episcopis proscriptas nisi in Apostolico Indulto facta eis fuerit potestas legendi et reti- nendi libros a quibuscumque damnatos. Regulares igitur ne- queunt legere libros ab Episcopis proscriptos sine apostolica