PARISIEN. 411

tis superque sit demonstrata, non denuo novis argumentis videtur probanda. Neque multum immorandum videtur in refutandis deductionibus defensoris vinculi, nam cum illae principaliter nitantur in introducenda nova illa distinctione (refutata) et in eliminando vocabulo : « Proprio » (certe sup- plendo), reliqua sunt minoris momenti atque brevius expe- diri possunt.

Quodsi egregius defensor S. C. C. n. 17 ita arguit : Epitheton - proprius relationem dicit non ad actum, sed ad personam iam haec assertio verbis Concilii Tridentini non est conformis ; nam ipse actus celebrationis matrimonii perficiendus est coram proprio parocho, secus invalidus est ; ergo parochus proprius certe relationem habet ad actum. insuper Concilium addit (ut maneamus in distinctione de- fensoris) « et huiusmodi contractibus (i. e. sine parocho proprio) annullat ». At Concilium dicit praeter omnes in prima parte contentos (Qui aliter), eos Sancta Synodus ad sic contrahendum (i. e. sine parocho proprio, cfr. supra Suarezii verba) omnino inhabiles reddit ; sed ratione legis localis certe in casu Henrica continetur in prima parte ; ergo etiam ad sic contrahendum est inhabilis.

Pergit defensor num. 1 8 : « Undenam igitur oriri pot- est ista parochi proprii necessitas, quae Henricam obliget? Dices forsan ex domicilio Londinensi. At inauditum est le- gem vires exerere in loco, ubi non viget, nam plus esset in effectu, quam in causa etc. ». Relinquo philosophis sua axiomata ; certe responsio canonica ad quaestiones et diffi- cultates propositas non deest. Henrica ligatur lege Tridentina Parisiis plene vigente etiam pro ipsa saltem ut locali sive bre- viter ligatur Parisiensi lege locali. Qui aliter quam praesente proprio parocho... eos... inhabiles reddit etc. Quae defensor addit, nituntur confusione inter legem Londinensem et do- micilium Londinense. Profecto Henrica non tenetur lege Lon- dinensi sive personali sive locali ; nam nunquam ibidem lex Tridentina capitis Tametsi est promulgata ; hinc etiam lex illa Londinensis omnino non existens multo minus vim suam per-