412 EX S. C. CONCILII

sonalem vel localem Parisiis potest exerere. At nemini etiam in mentem venit obligationem Henricae derivare ex lege quadam Londinensi, ob quam Parisiis in forma Tridentina debeat celebrare matrimonium; ista obligatio Henricae de- rivatur ex lege Parisiensi, quae Henricae celebrationem ma- trimonii coram proprio parocho praescribit. Haec de iure. Quodsi deinde species facti sit definienda, cui ius sit appli- candum, certe ex facto domicilii Londinensis parochus pro- prius iure Parisiensi requisitus est accurate determinatus. Quare domicilium Londinense concurrit ad determinandam speciem facti legis Parisiensis, sed non constituit legem quandam Londinensem Parisiis efficacem.

Inde iam refutatum est sequens assertum defensoris n. 19: « Vide absurditatem : Lex ista, quam Sancta Synodus expresse vetat, ne suum robur habeat in paroeciis, in qui- bus publicata non est, non haberet ibi quidem robur suum, sed aliud efficacius, cuius vigore fideles domicilium vel quasi-domicilium in parochiis a decreto Tridentino immu- nibus strictius ligarentur quam incolae loci, ubi viget cap. Tametsi ». At haec non sunt ad rem. Nam lex Londini non publicata nullam exserit vim Parisiis, sed unice lex Parisiensis multoque minus exercet vim efficaciorem vel strictiorem. Nam Italus, qui proficiscitur Parisios et domi- cilium italicum retinet et Parisiis verum domicilium vel quasi-domicilium non acquirit-, nec vagus efficitur, est in eadem conditione certe non mitiori. Quodsi exinde oriantur incommoda, id ipsi illi iterantes sponsi sibi tribuant, non leges Ecclesiae accusent. Leges enim Ecclesiae dantur de communiter contingentibus, non ad commodum itinerantium Anglorum, qui forte in itinere celebrant nuptias. Hinc re- cte iam scripsit Pignatellus I. c. de istis itinerantibus, qui accedunt ad locum cap. Tametsi subiectum : « Matrimonium huiusmodi esse nullum, qui divertendo ad, locum, in quo non habent proprium parochum, se reddunt impotentes ad contrahendum : nam sibi reddunt impossibilem formam prae- scriptam a Concilio, servandam in loco, in quo contrahunt »,