414 COMMENTARIUM

discussa causa independentia; de his enim iudicare ad Episco- pum pertinet, ut supra demonstravimus in nota 51, pag. 105. Qua de causa stricto sensu est huius legis dispositio exponenda; prohibetur scilicet, quominus absque dictae S. Congregationis licentia ea publicentur, quaecumque demum sint, quae utcum- que pertinent ad bea tifica tionem et Canonizationem Servorum Dei, quorum causa adhuc est sub iudice.

Ut rem exemplo declaremus. Penes S. Rituum Congrega- tionem proponitur et agitur causa de valore actorum proces- sualium tum ab Ordinario loci, tum de mandato Sedis Aposto- licae confectorum, de veracitate et idoneitate testium, de fama sanctitatis Servorum Dei, de non cultu eis praestito, de virtu- tibus in gradu heroico quas exercuerunt , de miraculis eorum intercessione et invocatione patratis. In his vero agendis a De- fensoribus Summaria et probationes proponuntur, a Promotore fidei animadversiones, semel, bis, ter, prout necessarium iudi- caverit, a defensoribus responsiones ad illas elidendas, a Con- sultoribus observationes et iudicia. Haec autem prorsus sunt quae pertinent ad Causas Beatificationum et Canonizationum Servorum Dei, et haec publicari prohibentur, posthabita venia Sacrorum Rituum Congregationis.

Prohibetur tamen eiusmodi actorum publicatio, causa Ser- vorum Dei coram S. Rituum Congregatione pendente, ut dixi- mus, non postquam per solemnem Canonizationem consummata fuit; quamvis nemo existimare debet, postea liberum esse cui- libet ea publicare, nulla requisita potestate; etenim eiusmodi publicationes redeunt ad ius commune. Sciendum videlicet est, a die traditionis Actorum processualium S. Rituum Congrega- tioni ad solemnem usque Canonizationem, omnia subdi potestati Promotoris Fidei, ita ut praeter huius facultatem, nihil, prorsus nihil, de Servo Dei publicari queat, non vita, non biographia, non aliud aliquid, quodcumque illud sit; haec autem Promotoris auctoritas cessat post actam Canonizationem, eique auctoritas communis subrogatur sive Episcoporum, sive Magistri S. Pa- latii Apostolici. In re ipsum sollertissimum Promotorem Fidei iuterrogavimus.

Neque sententia haec contradicere deprehenditur obvio sen- sui legis a Leone XIII statutae, qua cum dicatur: Quae ad causas .Beatificationum et Canonizationum Servorum Dei utcumque pertinent, absque beneplacito Congregationis Sacris Ritibus