414 EX S. C. CONCILII

aut per sacerdotem a se delegatum. Et revera liceat defen- sori vinculi illam quaestionem proponere: numquid paro- chus ille Londinensis si Parisiis matrimonio Henricae per- sonaliter adstitisset, numquid valide adstitisset ? Vix in du- bium vocabit. At ex quo titulo? Alius assignari nequit quam titulus proprii parochi ex vero domicilio Londinensi Hen- ricae. Denique ut iam notarunt P. Tarquini et Van de Burgt, parochi ad illam delegationem iam ex iure antiquo fuerunt competentes, atque etiam nunc in Anglia viget pra- xis, ut nequaquam coram quolibet parocho catholico fideles possint celebrare matrimonia.

Quae postea num. 21 . sq. ex tristi conditione illorum contrahentium peregrinorum, de quibus agitur, a defensore vinculi congeruntur, vim canonicam non habent. Nam prout iam supra demonstravi, tristis illa conditio, si in casu quodam particulari verificaretur, non est ratio arbitrarie in- terpretandi et applicandi leges ecclesiasticas. At illa tristis conditio in praxi ordinarie vix fìngi potest. Nam saepissi- me una pars ex ipsa regione oriunda etiam ibidem habe- bit aliquod domicilium, aut forte unus ex contrahentibus actu est vagus, aut unus sponsus peregrinus iam acquisivit quasi-domicilium in parochia - et omnis difficultas est sublata. Si utraque pars retineat suum domicilium, nostra aetate intra paucos dies vel paucas hebdomadas pro ¡facilí- tate commercii litterarum (v. g. in casu commercium lit- terarium inter civitatem Parisiensem et Londinensem fuis- set facillimum) scripta potest haberi delegatio, et si peri- culum sit in mora, per telegraphum delegatio peti et dari poterit. Quare difficultas quaedam practica solummodo oriri potest ex lege locali, si v. g. duo nupturientes anglici re- tinentes domicilium in Anglia vellent contrahere matrimo- nium in locis inaccessibilibus Boliviae vel insularum Phi- lippinarum, ubi viget caput Tametsi. At eadem difficultas est ex lege personali pro duobus sponsis Parisiensibus, qui in ultima Sibi ria vel in interiore Africa volunt celebrare nuptias. Nihilominus Ecclesia propter illos itinerantes P a-