NANCEIEN. ET TULLEN. 415

Duo enim periti inter celebriores urbis Nanceiensis, a Iudice selecti, Mariae virginitatem pienissimo testimonio renuntia- runt.

Postea oratores ad praecavendas vinculi defensoris obie- ctiones, prolixo sermone ostendunt ex praxi S. Cong. hy- menis praesentiam esse certum virginitatis signum, ad mu- liebrium inspectionem necessarias haud esse obstetrices, et posse etiam omitti balneum, dummodo ex aliis de mulieris integritate satis constet.

Altero in capite patroni de causis dispensationis agunt, atque notant inter coniuges istos animorum aversionem adesse ut nulla amplius affulgeat spes instaurandae iterum inter ipsos coniugalis harmoniae. Repetita ipsa inutiliter tenta- mina, quibus Amatus statim ac uxor ab eo aufugit et etiam dum de civili divortio ageretur, Mariae animum ad se at- trahere conatus est, satis hoc probant. Insuper testes omnes quamlibet reconciliationem absolute impossibilem existimant. Atque verba ipsa quae hac de re coniuges habent reconci- liationem prorsus excludunt. Vir affirmat : « La réconcilia- tion est aujourd'hui impossible »; et uxor: « Jamais, jamais, jamais. Je proteste énergiquement contre la possibilité d'une réconciliation ». Positis autem huiusmodi dissidiis, inquiunt, dispensationem concedi omnes canonistae profitentur. Inter alios Coscius De sep. for. lib. 3, cap. 2, n. 117 seqq. re- cte adnotat : « Odium tantae est efficaciae, ut inter perso- nas in visas impotentiae coeundi speciem producat, et ubi odium superari non potest, talis impotentia evadit perpetua, redditque moraliter impossibilem matrimonii consumma- tionem ».

Hinc alteram, concludunt, exurgere dispensationis obti- nendae causam, quae ex gravi incontinentiae periculo déri- vât. Viribus namque pollentes in fiorenti adhuc aetate con- iuges iidem constituti reperiuntur, quando passionum im- petus facesque libidinis ferventiores esse solent. Civile in- super accedit divortium, quod temporum nequitia, faciliter ad novas ineundas nuptias animos allicere potest.