COMMENTARIUM 415

tuendis praepositae publicari nequeunt, suspicari quis posset eiusmodi prohibitionem perpetuam esse, cum etiam post actam Canonizationem verum sit, haec acta ad Causas Servorum Dei utcumque pertinere. Etenim non ita res est.

I o . Quia Legislator tempore praesenti loquitur de iis actis quae ad Causas Beatificationum et Canonizationum Servorum Dei utcumque pertinent; causa autem est a causando; conse- quenter de iis actis Legislator loquitur, quae ad illos pertinent Dei Servos, quorum causa sub iudice est; peracta autem Ca- nonizatione causae illae plane absolutae dicendae sunt, neque, nisi improprie, causae dici possunt; eo scilicet sensu, quod ali- quando de veritate aut de iustitia Causarum illarum dubitatum, et idcirco per Iudices inquisitum est.

2°. Quia cum ex lectione legis exploratum minime sit, Le- gislatorem prohibitionem eiusmodi voluisse ad tempora exten- dere quae Canonizationem subsequuntur, iura clamant: in dubio quod minimum esse sequendum.

3°. Quia post absolutam Canonizationem pro eiusmodi lege observanda non eaedem militant rationes, quae militant dum Causae sub iudice sunt.

4°. Cum in antiqua legislatione publicationes eiusmodi con- stituerent ius speciale, non est censendus Legislator hoc spe- ciale ius abrogasse quin de re subditos aperte et opportune moneret; nihil autem monuit. Certum est autem antiquo iure, eiusmodi actorum publicationem minime prohibitam fuisse post actam solemnem Canonizationem, sed tantum pendente Causa. ; quod demonstratur tum ex facto, tum ex iure. Et ex facto qui- dem, quo constat publicata fuisse plurima Sanctorum Acta, vi- siones, revelationes etc., non requisita S. Rituum Congregationis licentia. Postrema fortasse publicatio refertur ad ea quae de se- metipsa scripsit S. Veronica de Iulianis, a P. Pizzicaria S. I. pu- blici iuris anno 1895-1897 facta, quin in fronte Voluminum, aut in fine appareat licentia concessa a S. Rituum Congregatione, et cum una Curiae Episcopalis et Provincialis Societatis approba- tione. Ex iure autem, quia leges de non publicandis actis quae ad causas pertinent Servorum Dei, semper referuntur ad tem- pus, quo Causa Servorum Dei coram S. Rituum Congregatione pendebat.

Alexander VII die 23 Iulii 1661 sequens edidit decretum: « Sanctitas sua extra urbem expresse inhibuit omnibus et sin-