416 COMMENTARIUM

« gulis impressoribus seu typographis ubivis locorum praedi- « ctas informationes, omnesque alias scripturas pertinentes ad « causas Beatificationum et Canonizationum imprimi, sub quovis « praetextu, causa, et quaesito colore, et cum quavis auctoritate, «licentia et approbatione; et si quae ausu temerario contra « praesentis decreti tenorem extra Urbem impressae fuerint, « omni prorsus fide carere voluit et declaravit; mandans prae- « terea, ac districte praecipiens universis et singulis haereticae « pravitatis Inquisitoribus, Patriarchis, Archiepiscopis, Episcopis, «aliisque locorum Ordinariis, ut in sua quisque Dioecesi, vel « provincia sedulo pervigilet, ne quidquam contra superius dis- « posita fiat, seu attentetur » (a).

Agitur itaque hoc in Decreto de Informationibus, deque Scripturis ad causas Servorum Dei pertinentibus imprimendis, quibus quamlibet abrogat fidem Pontifex si extra Urbem im- pressae fuerint; erant ergo informationes et Scripturae perti- nentes ad illos Dei Servos, quorum causa agebatur. Hoc autem melius ex iis quae sequuntur apparebit.

Etenim constitutum fuit ut unus Typographus Cameralis eiusmodi acta typis amandandi facultatem haberet, numero exemplariorum ad sexaginta constabilito, neque plura confi- cienda, nisi de expresso S. Congregationis Rituum Secretarii mandato ; haec insuper exemplaria omnia, nullo excepto, tra- denda erant Fidei Sub-promotori ut ea recognosceret atque sigillo mun i r e i Haec omnia constant ex eodem Benedicto XIV, lib. eit. nn. 19. 20. 21. 22.

Erant ergo exemplaria actorum quae pertinebant ad causas Servorum Dei in quae iudicium et sententia nondum pronun- tiata fuerat.

Atque Decreti Alexandri VII hunc esse sensum ex decreto colligimus promulgato a S. Rituum Congregatione die 30 Ia- nuarii 1878; dum praefecturam gereret Eminentissimus Thomas Martinelli Ordinis S. Augustini, vir doctrina, modestia, et pietate conspicuus. Huiusmodi porro est:

« Sacra Rituum Congregatio Causarum Beatificationis Ser- « vorum Dei et Canonizationis Beatorum, quae eius examini « proponuntur summam gravitatem perpendens, sui muneris « esse duxit illa praecavere pericula, quae ex inconsulta evul-

(a) Benedictus XIV De Servor. Dei Beai, et Canoniz. Lib. I, Cap. XIX, n. 22