417

PARISIEN.

DISPENSATIONIS MATRIMONII

Die 21 Augusti 1897. S e s s . 24 cap. 5. de ref. m a t r .

COMPENDIUM FACTI. Anno 1894 die 24 Iulii Parisiis, servata forma Tridentina, initum fuit matrimonium inter Mariam Delphinam 27 annorum tunc natam , et Leonem sua uxore decennio maiorem.

Matrimonium istud, licet pleno consensu partium con- tractum, haud felicem exitum sortitum est. Siquidem, uti asseritur, ex nervico morbo et umbilicari hernia, qua labo- rabat sponsus, coniuges nunquam matrimonium consummare valuerunt. - Ad viri impotentiam arcendam pluries, ut ait mulier, adhibita fuerunt artis remedia, quae tamen minime profuerunt.

His tamen non obstantibus, coniuges per octo circiter menses vitam coniugalem simul duxerunt, quo tempore transacto, mulier marito valedixit ad eum non amplius re- versura. Sed Leo post uxoris discessum, spretis Ecclesiae iuribus, tribunal civile adivit, a quo facile obtinere potuit sententiam divortii.

Quapropter mulier volens novas inire nuptias preces Sacratissimo Principi porrexit, expostulans ut matrimonium suum cum Leone solveretur, utpote ratum et non consum- matum ob viri impotentiam.

Annuente Summo Pontifice, Archiepiscopo Parisiensi rescriptum fuit, ut ad normam Constitutionis Benedicti XIV et Instructionis S. C. C. conficeretur processus super asserta inconsummatione. Expleto processu , acta ad S. C. C. transmissa fuerunt simul cum relatione Iudicis parisiensis, qui suum iudicium circa inconsummationem matrimonii pan- dens, oratricem valde commendat.

Acta, Tom. XXX. fase. CCCLV. 27

EX S. CONGREGATONE CONCILII