PARISIEN. 417

Acta, Tom. XXXII. fase. CCCLXXIX. 27

Quodsi huc usque egregio defensori vinculi S. C. C. contradicendum esse existimavi, id nonnisi aegre feci ob evi- dentiam factorum et iuris; at facilius iis assentiendum est, quae n. 32. 35. pro sua conscientia scribit in favorem vin- culi matrimonialis. Summopere enim dolendum est, quod ob formalitates canonicas non servatas advocatis Parisiensibus detur occasio opportuna impugnandi valorem matrimonio- rum ante multos annos celebratorum. Quae animadversio eo magis fundata est, quod etiam nunc querela iam ante 30 annos a. 1868 in simili causa mota et relata in epistola Nuntii Apostolici Parisiensis de insufficienti cura parocho- rum quorundam in examinandis conditionibus canonicis do- micilii, nondum videtur carere omni fundamento, atque ni- mium forte fìditur attestationibus de impletis conditionibus iuris civilis circa domicilium. Quare mirum non esset, si in re adeo gravi religiosissimus defensor vinculi S. C. C. non- dum victas daret manus atque in extremis extrema tenta- ret ad sustinendum sancti matrimonii vinculum. Ipse enim pro sua singulari sagacitate et experientia forsitan invenit lacunam in argumentatione huius voti aut derelicta distin- ctione sua textus Tridentini vagitatem vel quasi-domicilium Parisiense Henricae novis factis allatis comprobat v. g. ex consuetudine Parisiensi in causa Parisiensi a. 1868 allegata. Qua in re provocare posset ad gravissimam auctoritatem Cardinalis Morlot, Archiepiscopi Parisiensis illo tempore existentis, qui matrimonium illud a. 1868. examinatum omnino validum esse existimavit.

Coronidis loco defensor S. C. C. allegat, quae defensor Curiae Parisiensis fuse exponit in favorem validitatis ma- trimonii ab Henrica contracti. At ibidem multis verbis ea afferuntur, quae a nemine in dubium vocantur aut vim pro- bandi non habent. Sane certissimum est cap. Tametsi ha- bere vim legis localis et personalis; certissimum quoque est Henricam in casu sola vi locali cap. Tametsi fuisse li- gatam, quia cap. Tametsi in parochia Londinensi, ubi Hen- rica tempore celebrati matrimonii verum et unicum domici-