PARISIEN. 419

mon état morbide caractérisé par des signes extérieurs que j ' a i indiqué au médecin ».

Quanta fides tribuenda sit huic coniugum confessioni, iuxta patronum probatur ex septimae manus testibus, qui uno veluti ore testimonium reddunt utrique coniugi ac prae- sertim mulieri, tum de singulari pietate, tum de veritate dictorum ; eisque proinde asserentibus matrimonium non fuisse consummatum non solum verum dixisse firmissime credunt, sed, quod maximum est, de non peracta matrimo- nii consummatione propter viri impotentiam, tanta securi- tate et intima persuasione testificantur, ut validissimum non consummationis argumentum constituant.

Sane oratricis pater, iuratus, testatur filiam domum paternam quotidie frequentasse, eamdem rem semper ape- ruisse, post etiam definitivam separationem, nimirum mari- tum copulam saepius inutiliter tentasse et matrimonium mansisse inconsummatum , eique plenissimam fidem habens absolute affirmat. Hunc effectum tribuit nervico et atrophiae in viri genitalibus. «J'attribue cette conduite à l'état nerveux de Mr. Leon. Il y a en lui une perturbation, ou une atro- phie génésique ». Huic concordat actricis mater quae de in- consummatione testatur.

Idem, secundum oratorem, comprobatur ex depositione medicorum Topinard ac Iulii Bourcier, qui ex officio pro- ducti non solum veraci ta tem coniugum commendant, sed de matrimonii inconsummatione plene testantur.

His positis, advocatus praetermittens, brevitatis causa, iurata testimonia aliorum testium, qui utriusque coniugis, praesertim mulieris, religionem et veracitatem non solum laudant, sed etiam intimam persuasionem de matrimonii in- consummatione manifestant ob viri impotentiam, concludit nullum dubium esse de inconsummatione huius matrimonii, quum compertissimum esset, iuratam coniugum confessionem, testimonio septimae manus roboratam, in iure haberi uti sufficientem probationem non consummati matrimonii, iuxta cap. Laudabilem 5, lib. IV, tit. XIV, De frig. et male f...