DUBIUM.

Sed hic est dubitatio.

1. Gustus secundum quod est sensus alimenti, est tactus quidam : non ergo secundum hoc debuisset determinare de ipso separatim a tactu.

2. Praeterea, Gustus est propter indigentiam : haec autem non est in Angelis : ergo non est in eis aliquis gustus.

3. Praeterea, Istae figurae non circumformantur Angelis nisi ad nostram instructionem : sed per hoc quod dicuntur gustare, est causa erroris credentium eos corporali cibo uti : ergo gustus non deberet eis attribui.

Et dicendum ad primum, quod gustus etiam secundum, quod est sensus alimenti, differt a tactu in duobus, scilicet organo, quia non in qualibet parte tactus est gustus : et etiam virtute, quia gustus circa alimenta habet judicium saporum, quod non habet tactus : et ideo de eis separatim determ mari debuit.

Ad secundum dicendum, quod in Angelis sicut et in qualibet alia creatura est indigentia ut teneantur in esse per causam primam : et ideo indigent talibus escis.

Ad tertium dicendum, quod ex omnibus similibus male acceptis potest esse causa erroris, si tamen debito modo accipiuntur, non sunt causa erroris.