422 EX S. G. CONCILII

huic Capitulo Metropolitano ad obtinendam iubilationis gra- tiam expleto dumtaxat 30 annorum servitio post factam primam residentiam in eadem Ecclesia.

« His vero quae in adnexo scripto a Capitulo exponuntur mihi visum esf> addere ac Emam V. Rmam Sacramque Con- gregationem Concilii instructam reddere, Oratorem revera adversa valetudine frequenter divexatum fuisse et divexari illumque insuper commendatione valde dignum esse, attentis sua eximia scientia, pietate ac morum gravitate, necnon ob egregia servitia praestita meritaque comparata, praesertim cum plures annos magna laude et profectu munera exer- cuerit Professoris Philosophiae ac Sac. Theologiae atque Rectoris Seminarii huius Metropolitani, in quo nunc in Istitutum Pontificium evecto, Studiorum Praefecti munere decoratur ac laudabiliter fungitur ».

Capituli votum ita expressum fuit : « Capitulum Ecclesiae Cathedralis Burgensis, vehemen-

ter optans Amplitudinis vestrae: desiderio satisfacere, ut nempe, super praeces Primicerii huius Ecclesiae gratiam iubilationis a S. Cong. Conc. supplicantis super Bullam iubilationis, huic Capitulo a Gregorio XV concessam, pro- prium iudicium emittat, ea qua par est humilitate, respon- dit, et quidem quoad primum, patefaciens quae in conven- tibus capitularibus circa hoc negotium acta sunt :

« Primicerius huius Ecclesiae, Dom. Emmanuel Gonzalez Peña, die 2 Maii anni 1896, deprecatus fuit gratiam iubi- lationis, eo quod, expleto servitio triginta annorum post primam residentiam, poterat ex indulto Greg. XV talem gratiam obtinere. Capitulum rem commisit duobus Cano- nicis, qui de more illud edocerent super dictam petitionem, et hi, publicis tabulis inspectis responderunt supra laudatum Primicerium Dom. Emmanuelem Gonzalez Peña, post ade- ptam possessionem Canoniae Magistralis, die 30 Aprilis anni 1864, servitium suum fecisse in hac Ecclesia usque in praesens, sed non in omnibus annis continuum, prout in statutis huius S. Ecclesiae Metropolitanae praescribitur ;