4-25

PINNEN.

C O N C U R S U S

Die 3 Aprilis 1897. Sess . 24 c. 18 De Ref.

COMPENDIUM PACTI. Ad vacantem Praeposituram curatam loci Ilice Dioecesis Pinnen., regio Patronatui obnoxiam, in aedibus Episcopalibus die 5 Novembris anni 1895 concursus habitus est, at ea ratione fuit absolutus ut duabus quaestio- nibus aditum aperuerit.

Prima instantia ipsius concursus impetit valorem. Ac- cidit enim ut ex quatuor candidatis ad examen, alter ab ipso periculo subeundo prohibitus fuerit, quidam Florindus Par- tenza, Praepositurae Oeconomus curatus. Quare hic confugit ad S. C. C. ut sua protueretur iura.

Altera instantia movetur a Sacerdote Aloysio De Gali- tiis, uno ex candidatis, qui conquestus est de mala exami- natorum relatione eo quia ipse approbatus non fuerit.

Ad primam quaestionem quod spectat, instans retulit : sese, vacata Praepositum, nominatum ab Episcopo fuisse il- lius Vicarium curatum : cui nominationi accessit regium pla- cet; sese vero ad Episcopale palatium accessisse, periculum facturum die qua locum habere debuit concursus, praevio supplici libello, praedito necessariis documentis ; ast praepe- ditum fuisse inter concurrentes adesse. Mirum id sibi fuisse, post Bullam ab Episcopo prius habitam in vicarium cura- tum ; quo munere cum laude functum fuisse sibi constat.

Episcopus sui agendi rationem significavit aiens : solam necessitatem suasisse nominationem Sacerdotis Partenza in oeconomum curatum, deficiente, illo in loco, quolibet alio Sacerdote ; dum alium extraneum mitti nequibat ob libellas 21 in mensem, quas oeconomus regius rependit in paroeciarum vacatione. Presbyterum Partenza, prosequitur Episcopus, ita invisum esse cuncto populo, ut plures recusent ab eo acci- pere Sacramenta et adsistentiam eius in mortis periculo.