BURGEN. 423

nam in anno Capitulari qui incepit 1 Iunii 1868, et univit 30 Maii 1869, abfuit centum quinquaginta et sex dies ; in anno 1884 ad 1885 centum quinquaginta duo ; in 1885 ad 1886 centum sexaginta, et in 1886 ad 1887 centum octoginta. In his diebus includuntur dies recitationis (in hac Ecclesia licet abire centum quinquaginta dies, in quo- libet anno, ex privilegio Apostolico, quod ex declaratione S. Cong. Conc., decreto Tridentino non obstante, adhuc perseverat) non vero quamplurimi alii, in quibus abfuit in- firmitatis causa, nec alii, in quibus est in tabulis, seu in punctaturis signum dubium eius praesentiae in choro, et tamen habetur ut praesens.

« Re ad deliberationem dilata interea, talis petitio sublata fuit, et haec est ratio quare Capitulum nullum iudicium tulit. Nunc vero quod spectat ad merita ab Oratore, in precibus, adducta, nihil dicendum est a nobis quia etsi vera fuissent, nec ad rem, nec ad nos pertinerent ; sed non ita se res habet relate ad illud quod in iisdem asseritur, nempe, distributiones quotidianas necessarias esse Oratori pro susten- tatione necessaria et honesta; nam tantum abest ut hoc ve- rum si t , ut e contrario laudatus Primicerius sit in vera abundantia ; alitur enim sumptibus Seminarii, et praeterea Seminarium subvenit etiam expensis eius pro medicinis, quod et accidit toto tempore quod in Seminario vixit ; unde potuit, sicut et nunc potest, dictus Primicerius omnes fru- ctus praebendae, vel reservare, vel in sumptus particulares consumare.

« Ad alterum vero quod attinet, nempe, ad Bullam huic capitulo a Greg. XV concessam, respondemus Rom. Ponti- ficem, in ea, quadraginta annos residentiae, ex iure com- muni necessarios, ad triginta reducere ac moderari ; ita ta- men, ut iuxta statuta huius Ecclesiae, iubilatio concedatur cum fructibus praebendae, non vero cum distributionibus quo- tidianis, quin aliquid aliud addat Bulla circa reliquas con- ditiones ad iubilationem obtinendam. Attamen, Capitulum semper intellexit residentiam laudabilem et continuam esse