EXPOSITIO TEXTUS.

D. Palpebras deinde, etc.

Hic determinat de partibus custodientibus visum, dicens : Deinde post praedictos sensus, dicimus palpebras et supercilia quae circumformantur Angelis, significare ipsorum custoditivum, id est, virtutem vel diligentiam custodiendi intelligentiae divinarum visionum, id est, quae est per divinas visiones, id est, illuminationes. Custodiunt autem palpebrae corporales visum, tegendo organum ejus a nocivis. Sed sicut dicit Gregorius Nyssenus, " De bona dispositione palpebra-" rum est, ut sint nigrae, quatenus radii " visuales non disgregentur : et de bona " dispositione superciliorum est, ut sint " arcualia : radii enim visuales egrediun-" turper modum pyramidis, cujus basis " est res visa, et summitas in oculo : " et si supercilia non essent rotunda, ini" pedirent visum constringendo radios. "

Juvenilem vero. Hic determinat de aliis partibus organicis hominis. Et primo de juventute, secundum quod indicatur per membra, et maxime per faciem, dicens : Vero, id est, sed dicimus juvenilem et adultam aetatem in qua videntur Angeli, significare illud innovantis semper vitalis virtutis eorum.