DUBIUM,

Sed videtur hoc esse falsum.

1. Quod enim semper innovatur, continue transmutatur : sed hoc non competit Angelis : ergo vitalis eorum virtus non innovatur.

2. Praeterea, Danielis VII, 22, dicitur, quod antiquus dierum venit : et loquitur de Deo : ergo videtur, quod Angelis qui sunt etiam deiformes, magis deberet aptari senectus quam inventus.

Ad primum horum dicendum, sicut dicit Philosophus, " Novum est quod sui " principio, propinquum est: " et si accipiatur propinquitas quantum ad principium temporis, poneret novitas transmutationem : si vero accipiatur similitudinarie novum secundum propinquitatem ad principium efficiens, significabit novitas roburvitalis virtutis influxae a primo : quanto enim aliquid est propinquius virtuti agenti, tanto magis confortatur in ipso impressio ejus : et hoc significatur per juventutem, et per adultum perfectio naturae.

Ad secuudum dicendum, quod, senectus congrue attribuitur judici propter proprietatem senis, scilicet sapientiam et rigorem justitiae, per substantiam tamen indicat defectum : et sic non potest congrue aptari spiritualibus substantiis.