426. De sancto Materno.

1. Ad honorem conditoris,

Cui vivunt omnia,
Diem magni confessoris

Celebret ecclesia,
In quo cursus et laboris

Est adeptus praemia.
2. Primum hic praeordinatus

Divina clementia,
Ad Germanos destinatus

Petri providentia,
Binis fuit sociatus

Praedicandi gratia.
3. Qui insistens votis plenis

Sermonis officio,
Praegravatus mortis poenis

Raptus est de medio
Et diebus quater denis

Terrae tentus gremio.

4. Sed a morte suscitatus
Sacro Petri baculo,

Est tot annis praesul datus,
Quem convertit, populo,

Quot diebus hic humatus
Fuerat in tumulo.

5. Tandem cursu consummato
Corpus a Tungrensibus

Expetitum planctu grato
Et Coloniensibus

Ebeno sursum obliquato
Datur Trevirensibus.

6. Serve Dei praeelecte,

Tua per suffragia
O Materne, Deum flecte

Impetrata venia,
Nos salutis ut perfectae

Consequamur gaudia.