EXPOSITIO TEXTUS.

E. Dentes autem, etc.

Hic determinat de dentibus, dicens : Autem, id est, sed dentes significare in Angelis divisivum perfectionis nutrientis in gratia inditae eis a Deo, id est, virtutem qua illud quod est unite in Deo dividunt et multiplicant secundum proportionem suam, et inferioribus ministrant, sicut nutrix masticat cibum infantulo : unde et significant dentes meditationem qua divisim super attributa divina feruntur ad perfectionem sui et inferiorum proportionaliter : enim, id est, quia unaquaeque intellectualis essentia dividit et multiplicat provida virtute vel doctrina, Id est, providendo sibi et inferioribus intelligentiam, id est, illuminationem uniformem prout est in superiori, donatam sibi a diviniore, id est, a superiore, qui magis est in participatione Dei : et hoc ad analogiam, id est, proportionem doctrinae inferioris, secundum quam possibile est reduci in inferiorem qui per se dividere non potest.

Autem, id est, sed dicimus humeros, qui referuntur in spiritualibus ad robur actionis, et brachia, quae referuntur ad exsecutionem operis, et iterum manus, quae referuntur ad indigentiam operandi,

propter hoc quod manus est organum organorum, serviens homini in praeparatione omnium instrumentorum, quae non sunt ei data a natura, significare factivum ipsorum et operativum et activum. Et est differentia inter haec tria secundum Philosophum in VI Ethicorum : quia factivum refertur ad operationes mechanicas, quae fiunt transmutando materiam : unde dicit, quod " ars est habitus facti-" vus cum ratione veri. " Activum vero est referens ad opera virtutum, quibus non est aliquid factum per transmutationem materiae in figuram aliquam. Unde dicit " prudentiam esse activum habitum. " Operativum vero refertur act. actionem quae est propria et perfectiva cujuslibet potentiae, qua delectatur, sive sit opus operatum, sive operatio.

Vero, id est, sed dicimus cor esse in Angelis symbolum, id est, similitudinem vel signum vitae ipsorum deiformis seminantis, id est, eminentis deiformiter propriam vitalem virtutem in ea quae praeintellecta sunt, id est, super intellectum quasi extrinsecus circumstant, sicut praecordialia dicuntur, quae sunt circa cor. " Sicut enim cor, ut dicit Philoso-" phus et Basilius, primum In animali " creatur, et ejus virtute creantur alia " membra, et seminatur vita In Ipsis a " corde, quod primo suscipit vitam, tam-" quam prima sedes animae : " ita etiam quantum est in Angelis est principium vivificans quod est ipsius, et seminat etiam vitam deiformem in inferioribus essentiis.

Iterum dicimus in Angelis pectora significare durum, et per hoc custoditivum distributionis vivificae, id est, vitae distributae, ut a corde supposit o pectori : et haec est in Angelis immortalitas, quantum ad vitam naturae, et confirmatio, quantum ad vitam gratiae.

Vero, id. est, sed dicimus dorsa significare continuum, id est, continuitatem cunctarum simul virtutum fer titium,id esi,fe- rentium. Colliguntur enim in dorso costae et ossa quibus animal efficitur robustum ad ferenda onera. Et hoc significat in Angelis adunationem virtutis ad explendas divinas voluntates.

Autem, id est, sed dicimus pedes eorum significare mobile, quantum ad virtutem movendi, et velox, quantum ad perfectionem ejus, et cursile, quantum ad remotionem impedimenti motionis eutnis semper in divina, per contemplationem, propter quod, scilicef velocitatem, Theologia figuravit pedes sanctorum intellectuum,id est, Angelorum pennatos, (Isa. VI, 2), ubi dicitur quod duabus alis velabant pedes etiam sedentis super thronum, ut exponit Augustinus : sed sic non exponit Dionysius. Namque, id est, quia

pennatum significat velocitatem eorum anagogicam, id est, sursum ductivam, et activum eorum, id est, contemplationis operationem versus sursum caelestis itineris, quo scilicet in superiora tendunt, et significat remotum, id est, remotionem eorum ab omni humili quo dejici possent, et hoc est solum peccatum, et hoc per sursum ferens, id est, per virtutem qua sursum feruntur in contemplando. Vero, id est, sed ipsa levitas pennarum significat nihil terrenum esse in eis, vel secundum intellectum, vel secundum affectum, sed totum, id est, ex toto ascendens in excelsum, id est, in divina, munde, id est, sine materialibus, et sine gravitate, quia sine continuo et tempore.

7